گلنه و گالت العگال چلمتها واحروف المجد تسطع علئ اوراگه
تجنب من زمانک مو عدل یفلان شغل الما الک بی جمل لا ناگه
و هی الدنیا مصیبه و ذیب ینهش ذیب واشطوط الشماته اتغرگ العاگه
ولک عضة الهظم عضة رفش للساگ شیفید الجدم لو ینگطع ساگه
خل عندک ثگل لا ترکض اویلناس مو بعض البشر للجهل مشتاگه
سد باب الزعل بالک یجیلک ریح و عللی اجدار صبرک و اگعد ابراگه
لا تضحک چذب مو تنحسب میهول و اصمد للعسر لو ثارت اتفاگه
ترئ هذا الوکت خله السبع مجروح و چتفهن سویه الصگر و الغاگه
خل عگلک رزن لا تطفح اویل کیل و لچلم الموّزه اتصیر علاگه
انتظر زبدة الشکوه و عوف هذا و ذاک لا تدعی الصحبتک ناس لباگه
اخذ وصلة بصیره اتسترک امنلعار شیفید ابجهل لو تشتری طاگه
لا تمشی ابدرب ما ینعرفله اشبی و مو کلمن مشتله اتصیر عشاگه
لا تعبر الشط ابچلة ایویرید اذا ما بلکسور اتشوف مشراگه
حط بالک الحیه ابشجرة النعناع و السان الخدیعه امفتح اسواگه
لا تنهض ابسرعه و ترکض اعله الثار هم یوصل وکت و السچچ تتلاگه
واتعلم الیالی اشما جرت ویاک و بیتک بل نگب تلگه الامس باگه
لا تطلع غبرتک تضل تف و سف زین اصبح الزین ایألم افراگه
خد الی علیه تمطر مطر بوسات فرق ما بین خد الیلحس اطراگه
علی العاید البدوی
رد مع اقتباس
