تعال السیف کاسر واهسه الزنجار عاتبني ابکلامک واسمع اعتابي
ثلجک علجرح حطیته وکت الضیج برّد غیرتي و ما برد اصوابي
ترئ امن اتعیل بیّه اعیوب تطلع بیک ماگلک سبع بس حوبتي اتعابي
چی گتلک تعال انسیر عل توحید صرت کافر ابعینک داعشي ارهابي
وانه حضرة مضیفي ابصایته ایحلفون غیر أهل النذور النایمه ابابي
اشلیلک چنت گتلک تعال ارجوک خل تربة صلاتک فوگ محرابي
تعال القادسیه و کربله امفرعات یابوهن سبایه و تعرف السابي
اتعرف غدر الخناجر شیل سیف اویای و إمسک خنجرک لا یطعن اکتابي
آنه حاسب احسابي الخصم أمره ایهون بس الطعنتک مو حاسب احسابي
العدو شیعرف عني و لو غلط معذور یجهل غایتي و ما یعرف اسبابي
اشکثر گاطف علیه و تمر ماذبیت طگّت فشّته و ما نبّح اچلابي
اخو اتعین العدو من های مو مرتاح یم داو الشماته و تنثر اچعابي
طگّت یم اذاني و خوف ماحسیت فارس ذاک گوسي و ذاک نشابي
مثل آدم حسبت اتغشني بل تفاح ؟؟ آنه حتئ العسل ما یلفت اعجابی
اجرحت عزّة کیاني ابقمة التجریح گضیت العمر تلعب عله اعصابي
نثر شوگک علی و افیایک اعله الغیر شوف آثارهن لیهسه بثیابي
و انه سدّک أمان و سر جفاک ابیر ما طلعت احچایه وسپ سمعت اصحابي
انچلت مایک علیه و حایطی امنل طین لا تجبرني اهد اعلیک خنیابي
اعتقد ماني اورگه و من الشجر مگطوع لو ذبني الهوه و بچنافکم رابي
الفلوجه عمامی و هلی ابدیر الزور عربي و للمراجل ترجع انسابي
وانه جامع الآزهر و القدس و السوس و آنه اُم القرئ و حایط حمورابي
اذا ابچي ابستر ما خلي یطلع صوت ولا وصّل ضحچتي الکشرت انیابي
وانه امنل محسنین و کاظمین الغیض لئن مسلم و عربي و ماني اعرابي
اتهاجمني و اشدا" رایة العباس و أفصلها القضّیه ابعگل شیابي
تعال انصیر سنه و شیعة المختار خل اسمک حبیب ابزمرة احبابي
وصلت للعظم هذا العدو اعلل باب و أحنه ابهل تهم رافضي و وهابي
# علی_عاید_البدوی
رد مع اقتباس
