لتخاف اليلوم وحجيك احجيه
بدامك من جمر ماتنجوي بنار
واذا ياهو الحجه بحجاره نرميه
اغلا من الذهب جا صار الحجار
لتخاف اليلوم وحجيك احجيه
بدامك من جمر ماتنجوي بنار
واذا ياهو الحجه بحجاره نرميه
اغلا من الذهب جا صار الحجار
شكثر علمتك ومافادن وياك
يمعود عله الهجران جم دوب
الشجر يضحك دفو بذكره اليعشكون
رغم مايدري شنهي الفوكه مكتوب
وتدري انته الدروب الصاحيه سنين
بس يمرهه عاشك تغفه الدروب
الشمع مو كدها مايكفل ضوه الليل
بس يمسه شوك لوحده يذوب
مصطفى المالكي
سامحيني بـداعت أول كلمة كاتبلچ
أحبچ
من يدگ شباچكم عَصفور
والدنيا مطر
گولي مَحبوبي أجه وفلّي الشَعَر ،
من تجي نَسمة خفيفه أتناغي ترچيتچ بَرد
گولي مَحبوبي گعد
گولي محبوبي برد
ضحكتيلي
و شفت بخدودچ مراية
و شفت وجهي
وسمار الناس
بدويَة إلتهت بطيوف الولاية
ضحكتيلي
و لكَيت الكون مشدود ،
بجفن هدوه
و لكيت الگاع من ترتاح
تلتمّ بـ خصر حلوه
و شفت إبليس يضحك
من عثرتي وصاحلج فدوة
يبت الماي
عطشانة الليالي بلاية ترجيتج
و ذبلانه الدروب الما
توديني إعلى تاليتج
عبد الوهاب الحمداني
ياريت لو صدفه اجو
بوجوهم لركض ركض
وافرش دربهم عافيه
شوكتَ تحل شعرهُا بحضنَي وارتاح؟
وامشطلهَا شرط لكن بأيدية
شتخسر
لو گلتلي اهواك
مرات العشگ فزعة
كون الكاك..
اسوي جروحي بيت بيوت..
نلعب بيهن اني وياك
واشعل ورقة يمك ..
حتى اكلك شوف ....
هيج وداعتك جنت احترك بجفاك
حنيت الك
صوت وشكل،
ودمعه وقصيده وسالفه "
حنيت الك
بواهس طفل ؛
والدمعه حد "شفايفه"
حنيت الك
شوف شحصل ؟
تلكاني كلش مختلف
وعيوني ذبلها السهر
وصبحت كلش "ناشفه"
ماشايفك ومن الصور حبيتك
هنياله كلمن گاعد بصف بيتك
لو بيدي چا خليت درب النسمات
يتقاسمن مابين ريتي وريتك