مادريت العرب يعتگ ثوبهه
مادريت العرب يعتگ ثوبهه
وتمشي للنار وحطبهه ذنوبهه
الوادم المثلي تعيش شما تموت
العاهر تموت وتضل عيوبهه
احنه اهلنه شيوخ يولاد الحرام
الهوه يدنگ من يمر بصوبهه
ندري ولخاطر محمد گلنه عيب
العرب كلش فهمنه دروبهه
وانا اعرف اولادنه تحب العراق
ماترد خسرانه من حروبهه
وماتهم للموت تطلع ماتخاف
الشمس تطلع ماتهم لغروبهه
الزلمه يتلگه الفشگ چي مثله حار
للحروره الزلم تفتح بوبهه
تعشگ وتسمع ترانيم الرصاص
وتبدي تشتاگ وتخط مكتوبهه
ينذل الدم اليعز روحه عله اخوه
هاي وادم ع العراق گلوبهه
الجيش يحجي وي الحشد هد وانا اخوك
غيره سمره وياحلاة اسلوبهه
الباع روحه عله الوطن باع ابلاش
واكو باعت حته تملي جيوبهه
الينطي بزلام الحشد ماعنده زود
يروح فدوه لشيبهه ومركوبهه
باجر يطگ كل ربيع الدم خضار
والا ارد العاشگه لمحبوبهه
م
رد مع اقتباس
