هنا

[فقار الكرخي]

يگلبي شـبـيـك رحت الناس مايسوون
يـذبحـون الشـمـع يـم حنـة الـخــلان
جـابـولـك سـواد گـلـوبـهـم مـو ليـل
رحـت وكـيـفـت وبـكـل وكـت نعسـان
بس ارد افتهم يـاگـلـبـي شـمـوازيـك
النـورس يستحي مـن يطيـر وي غربان
السمه هـاي شكبرهه شدخلك بالغـيـم
رحــت اتـوسـلـت بـالـمـالـهـم جنحان
شحلاته النهر بس ماخـذ جفوف وعيـن
من هـاي وگمت مـا اصدك بـٲنســـان
اذا مـو خـلـك بـصـفـك وتگضي الليـل
لــو تـغـفـه بـجـهـنم هم تضل بـردان





م

[didi]

النـورس يستحي مـن يطيـر وي غربان
السمه هـاي شكبرهه شدخلك بالغـيـم
رحــت اتـوسـلـت بـالـمـالـهـم جنحان

جميييل
شكرا فقار

[سمراء من قوم عيسى]

أنتقاء جميل
شكرا يالغالي

[kian al-basrawii]

روعاتك

[دانتي]

روووعة