هنا

[فقار الكرخي]

اخيراً والتقينا وگابلت عينه
وسولفنه شكثر بس بمعانينه
اقتربنا والمسافه انفاس ملهوفين
وتهنه اثنينه وگادتنه أغانينه
وگلي شلونك وگتله المسافه هواي
أقترب خل النفس يندل روازينه
وتشابگنه وجرف طگ جرف بس الماي
ماينكظ ترف حد ما اتبدينه
وبديت احچيله عن عمري الگضه بلياه
مثل اليندل وضيّع عناوينه
خذاني العمر غفله وراح بس الشيب
يحله وي الخضار التارس سنينه
الدمع من يضحك مبين ملاگي اعزاز
الجرح بالملگه ماتندل نياشينه
سماره يلوگلي بحضنه وعرفت النوم
وعرفت الفيّ جذب هو وحياطينه
خفت بس العشگ چان اقوى من العيب
عليمن نستحي هو احنه حبينه
گلي تحبني گتله ادنّه شوف الشيب
ردت ارتاح نومني على چفينه
وباوسته وضحكلي وطحت بس بهداي
ولهسه شفافي بيهن طعم خدينه
ونومته على زندي و گتله ها مرتاح
گلي النهر مرتاح وي چرفينه
چنت عايش بدنيا وهسه عشت الغير
كلش تختلف ع الدنيا البعينه




م

[دانتي]

جميل شكراََ لكَ فقار