بعض امنلربع بوجوهم صدیت
مابین الملامح شفت دم و ناب
صحرا امنلچذب مابیها شربة مای
ولمتهم بشر بس بلحقیقه اذیاب
طبعهم والفضیحه الحلگ و الماصول
کل نفخة حقد تلگه الحزن علباب
تلگطهم لگط و اتحطهم ابقربیل
بس یهتز چذب تسقط ابغیراحساب
گصصهم ناشفه وینکتها حرالصیف
یتعب من وشلها و بل یأس ینصاب
اترکوها المالة الله و دثروها ابعار
لا فطرة اطفال و لا بخت شیاب
الخوه التنخذل مثل الکسر بل اید
یمکن تنصلح بس یضل بیها اعیاب
بعد مارید واحد بی طبع قابیل
یگطع چف عضیده و بل ظهر یقتاب
التمس منهم ورد و اتفاجئ ابعاگول
و یکش شعر البدن کل ما لمست اصحاب
الطریق امجادهم ماینگطع بی شوط
عن الحگ شبر و ایبین الچذاب
ذوله اخوان یوسف من ذوات البیر
و ضفادع بل اصل بس طلعت الهه انیاب
للخوه ستر شیلتها فوگ الراس
طاحت عل متن من گطعو الچلاب
ضیجه اعیونهم و اتربعو علثار
سفرتهم طعن مابیها حرف اعتاب
اذبها ابمای زمزم عشرة الشمات
اشرها اعله الشمس و انکتها والگه اتراب
اشک بظهورهم شایف مثلهم وین
بس بوجوهم ماهم عرف و احباب
علی العاید البدوی
رد مع اقتباس
المشاركة الأصلية كتبت بواسطة فقار الكرخي
