بلكي وبالغلط تحلم واجيهه
شوف عيونهه يخبلن عليهه
هنّه من الله اجن تفصال بيهه
اضن مخلوقه لو من خوخ لو تين
لأن هاي الترافه مو شغل طين
اريد اتمدد من العين للعين
بلكي وبالغلط تحلم واجيهه
ضحكت والزلم طاحت مچاتيل
اول مره اشوف بنيّه وتعيل
حچت وأهل الموسيقى تحيرت حيل
شنو كاظم الساهر لو حچيهه
بجسمهه اجمعت كل التضاريس
مشت واتكومت يمهه العراريس
گمت اتمنه كون اخذ حچي بليس
اشوفنهه واذب روحي عليهه
بحجاب وخلت بگلبي اثرهه
دگلي شلون اذا حلت شعرهه
الشمس مرات تطلع من ثغرهه
حاير بالگمر شيعود ليهه
اول مره احس بروحي خايف
ماشايف گبل هس توني شايف
شنو معناها عضات الشفايف
حقهه الناس من ادوخ بيهه
مو ع الگاع احس بروحي تمشي
واني بدونهه ما اسوى اي شي
هي الرگبه حلوه بدون كلشي
جا شصير رگبه وشامه بيهه
الجچي مرات مايوصف شكلهه
واذا تسألني ما ادري شأگلهه
بخت يرادلي واصبح رجلهه
وتصير مريتي واغفه ابين اديهه
مصطفى المالكي
رد مع اقتباس
