اليحب يندار فدوات لغرامه.
اسير ع عيونك طيف مغتاض
من شوگي اعله كد رمشك ملامه.
واجيك شما علت ثمرة محاجيك
ي اول واحد استاهد كلامه.
نده انطش اعله جفك لو الاگيك.
حدر خدك اصيّر روحي شامة.
المك لو نثارك يترس الكاع.
بيدي ولو تطش گزيز جامه.
واضمك من دنيتك لو قست بيك.
اشبكك جن غمد شابك حسامه
وراك شما محيت اثار رجليك.
افزن لو نگل طولك جدامه.
دليلك انه بس غشيم بالشوف
منو بحاجة دليل ويمشي امامه.
ما عارفني احسك والعرِف نور.
جهلك ظالمك وانته.بظلامه.
تهت عني بعنادك والحزن ظال
هيمان بحضرتك يا هيامه.
عايش مستلذ بشوفتك ليل.
ما رايد نهارك يعله هامة.
بس عنادي اكبر والعشك كون.
اموتن لو اعيش بكل كرامه
بديت وكل بداية التحله معروف.
بس مغزة الحجي تشوفه بختامه.
ما بيها مجال ولا مواعيد.
اليحب يندار فدوات لغرامه.
تقى صبيح
رد مع اقتباس
