عليمن هالزعل غير ادري حته ارتاح
گالو عايفك گلت انا ماعفته
بس ردت افتهم زعلني؟ زعلته؟
گالو غيرك اندل الطريق وراح
گلتلهم العاشگ روحه گايدته
وعليمن هالزعل غير ادري حته ارتاح
انا ضد اليحب ويموت بالسكته
تره يضيع النفس بملافت العشاگ
حاچيني العشگ ماينعبر وكته
شنو ذنبي احترگ وي كل قصيدة شوگ
وأعيش إحساس عالم غيري كاتبته
واسافر ذكره ذكرة بزحمة النسيان
بس صدگني غيرك ما اتذكرته
اليعاين ع النجم يلگه الأحلام هواي
النجمه من الجفن چم حلم بايگته
طولت الزعل واستاهدك تشتاگ
شما وصلت رساله وگلت بلكي انته
شما اشوف المطر ينشف عله الشباچ
اذكّر ايامك والحچي الگلته
ومامتعلم اتخليني اضل اوحيد
يومي بلايه صوتك ما تعلمته
وانا ادري السفر بالكاس عبرة ليل
لو عبرة عمر ليليه سافرته
حرگان الگلب كون افتهم شيفيد
مو بسّك يگلبي شبعد وين تريد
غلطة عمري من حبيت خل بعيد
لا عاشرت غيره ولاهو عاشرته
مامشتاقلي وماهزتك روحك
ماملچوم خاطر تندل اجروحك
لا شفت السفينه ولا شفت نوحك
واگل للناس ذاك وعيني شايفته
ويجي الليل وادورك بين اليعرفوك
حچي الماينسمع منهم تحملته
كلها لخاطرك لكن لگيت الناس
كلمن حاير وملتهي بسالفته
منقول
رد مع اقتباس
