یگولون .. الطفل بمراحل الاولى من التعامل مع المحيط ... يتعرف على المحيط و الاشياء و يتعامل معاهن عن طريق الفم ... هالمرحلة مهمة جدا و تؤثر على شخصية الطفل بالمستقبل ...الطفل بهالمرحلة يتعامل بحالتين ... جذب و انزجار (oral incorporative و oral aggressive or oral sadistic) اذا الطفل تتثبت بي مرحلة الجذب ...هيچ اطفال اكثر من حد المعمول ينشغلون و يميلون للاكل و احتمال اكثر انو من يكبرون بالسن يكونون مدمنين للجگایر و الدخانیات ... الاطفال اللی بحالة الجذب بهاى المرحلة اكثر من الحد اللازم يشبعون هاى غريزتهم و اهلهم يسمحولهم بشکل مبالغ یشبعون غریزتهم من يكبرون اكثر من سائر الناس يكونون متعلقين بالاشياء والناس و بشكل مبالغ يكونون متفائلين بالحياة هذا الشي ينطي عنهم نظرة انو هم تقريبا اوياهم سذاجة و سطحيين ....
بحالة الانزجار ...او الحالة اللي الطفل ينزعج بيها (مثل وقت اللي تبدي تطلع للطفل سنون) الطفل ينظر للأم بشكل تنفر و انزجار بنفس اللي ينظر لأمه بحب هم ... اذا هاى الحالة تتثبت بوجود الطفل ..هذا الطفل من يكبر يكون مستعد انو ينظر للاحداث و الناس نظرة شك و تشاؤم ... يكون مستعد اكثر للعداوة بالعلاقات و يكون عنده كلام جارح للمقابل ... يميلون للجدال بالنقاشات ... يكون حسود .. يحبون من خلال فرض سلطتهم يستغلون الناس و يخلون الناس لعبة يتسلون بيها .... لهذا بهيچ مرحله لازم الاهل یدققون اهوای بتعاملهم مع الطفل لا یمنعونه من التعامل بالفم و لا یخلونه بشکل مبالغ یتعامل مع المحیط بالفم ...
امل الغالية مواضيعها هم مثلها حلوة
موفقين ونص
رد مع اقتباس
المشاركة الأصلية كتبت بواسطة سام ..
