هنا

[فقار الكرخي]

استحي مني وتعال بداعة الغناك
الشمس حيل استحت من لگت بيه افياي
گلي بداعتي وكل التريده يصير
الليل شلون يخلص وانت مو وياي
من صفيتلك روحي عرفت انباگ
وانا ادري الگمر مايستقر بالماي
لغيرك مالگو بيه عمر ينعاش
عمر خلص نشد ع الرايح و ع الجاي
وانا ياهو اليعرفك گتله اريد فلان
انا هيچ من افارگ سولتي وي الناي
گلي شطيحك؟ گتله اليحب يطيح
ومدري بيا احبك چنت اطيح هواي
وعشتلك تايه ابين الصبر وال ليش
وبين البلكت الله وشوگي ومتاناي
ماتلگه وطن مثلي وغريب تعيش
خايف من لهفتك تبرد بلياي
السفر بايگ ولف چم واحد بريله
وانا اول مناطر فرهدو حيله
وانا ذاك الخطف لونه وي كل ليله
انا الماينفهم ضحكه ومواويله
انا الغنيتلك عمري وترسته شموع
مثل ماصاحبك غناك غنيله
العشگ مثل الحرب رايد حروره وياه
شنو نفع اليهد من تبرد الچيله
وعشت كل الوعود ومالگيتك جاي
انت الموعد التاهت مراسيله
وانا العاشگ الكبرت ذنوبه وياه
وانت الگذله ذيچ العابره الشيله







مصطفى المالكي

[didi]

الله
شكرا انتقاء جميل

[سمراء من قوم عيسى]

أنتقاء جميل

[Hev ']

الله

[فقار الكرخي]

نورتو