هنا

[ارجع يازمان]

ما فزعتولي واجيتوا
عندي عركه اويه الظنون!

صارت اطلابه اشكبرها
وطالت ابليل السكون

هجمت اجروحي ابسجنها
وذبت اقيود السجون!

سوت اهناك انتفاضه
وهتفت ابكل الضغون!

حتى عقلي الجان اليه
هو جابالي الجنون!

والكلب صاح اعله روحي
افراكهم لا مايهون!

روحي صاحت كله منك
ليش حبيت اليخون!

والمدينه الانه بيها
غركت ابدمع العيون!

جابو الشرطه عليه
وتهمتي امخرب الفنون

وانه بس ادفع رشاوي
وزادت اعليه الديون!

صرت مثل الشجره واكف
لكن ابكص الغصون!

والعمر راح و جفاني
حمل وساك الظعون!

لو رجعتوا ايهون كلشي
ونرجع احسن مايكون!

مايهمني
اشأخراكم
بالعذر لو تستحون!

بس تعالوا
وانه ادبر
هالعذر لمن تجون!
حسين االساعدي

[فقار الكرخي]

عاشت الايادي