جميع ما يرد هنا من خيال الكاتب ولا يمت للواقع بِصله
و الموضوع للمزح فقط لا أكثر
منو أني
شخصية ارستقراطية كان مفروض تظهرلكم بعد مدة
لكن لسوء الاوضاع الراهنة والحاجة المُلحة لظهوريوايضا ظهور منافسين بالساحة على حظي (الأغبر) بعد ان كانت خالية تماماً لما يقارب ٣سنوات ..
توصلت لقرار انو اطلعلكم بطلتي البهية
واعذروني لان ما محظرتلكم مقدمة قوية بس يعني هو مو على كيفكم وغصب ترضون
لان هذا الموجود حالياً والله كون يسامح الي سرقوا فكرتي بس اني ممسامحتهم ومجهزتلهم عمل سفلي يكلبهم قردة خاسئين وحشوفهم ايام سودة ان شاء الله
( k.f اسود من قلب محمد)
ها عيني حتى ما ابعد عن الموضوع
اني مثل ما ذكرت انفاً
اني شخصية ارستقراطية ظهرت بعد الانفجار الكبير الي
صار بالدرر وتنحي سامر عن الخلافة العفو أقصد الحكم
بس كنت خافيه نفسي خوفاً من أنو يتم اغتيالي
حتسألوني درر منو يغتالج والشعب الدرري شعب مسالم
وحظرة جنابي مُكلفة بالأجابة وتنويركم
وأكشف الستار عن الي صار ودار
ها عيني جيبو جيس حب او شامية وتعالوا أحجيلكم هل سالفة
مجلس النواب الي نصبهم سامر نصبو كمين لكل من يفكر يحط عينه على الكرسي لان أكو نبوءه تكول بعد تنحي سامر تجي خاتون جميلة تبهر الكل بطلتها ويختارونها مديرة ألهم ويعم السلام والعدل
وتساوي كل الأعضاء ضمن ضوابط صحيحة
وواحد من النواب حتى يظمن أن ميزانيته ما تتغير ومكاسبه للاموال الطائلة يستمر وما يزول بتعيين مدير جديد لهذا الصرح
جاب قتلة مأجورين وأجهزوا على كل من فكر أنه يصير مدير ..
زين حتسألون درر شمدريج بنواياهم ؟
ما معقوله اكون حاطه عيني على كرسي الحكم واني معندي اعوان يساعدوني ويتخشخشون(هاي كلمة بغدادية مو طلسم سحر والله
ولهذا رحت وضميت نفسي وتكورت ع حالي (احب نفسي من اتفلسف وابين متحدثة لبقة "لبقة تذكرني ب لزكة مدري ليش" )
المهم
(اسود من قلب محمد k.f)
ها حبايبي واعزائي وفلذات اكبادي
وخلال مدة مكوثي ب قسم قلوب
سويتلي حصانة وصار عندي بآآك (ظهر)
وحماية .. وصرت شخصية عامة
وان مسني سوء تصير قضية رأي عام
ويدخل الجاني ب سين وجيم
ومن هذا المنطلق أعلن الكم عن بدأ نشر مناشيري ( حبايبي كلمة مناشير يعني جمع منشور مو منشار فلا احد يتحسس)
مناشيري الي تخص الدرر وتتضمن اخباري واخبار بعض الرعية وتحليلاتي ونظرتي العامة للاوضاع بالبلاد
وهسه لازم أعوفكم واروح اشوف الشيخ الروحاني الي وصيته على موضوع رقية الحية وين وصل بشغلة
شعبي الدرري
باي
رد مع اقتباس
المشاركة الأصلية كتبت بواسطة Mais Aljanaby
