هنا

[ارجع يازمان]

الليله افراشي بارد __صل عليه
وصل من هالعرابد___صل عليه
ولك كبل السواعد__صل عليه
صلاتك تنقبل ويه المنيه
حسين االساعدي

::::

مادار الكلب الهم _ولك دار
وانه اشبيدي عالقسمه_ والكدار!
الك وحشه والك دمعه _والك دار
تنشدني عليك ابكل مسيه!
حسين االساعدي

:::

انه اشكثر سلبوا _راحه مني
وعمري ابهل تمني_راح مني
مدري وين ضاعت_راحه مني
طاحن بيها روحي ابهاي اديه!
حسين االساعدي

::::
الف ابهلظعن حمل_ والف شال
وبلف الكفن حاير_ والف شال
ما افشل امن الحاقد_ والافشال
امن المحسوب الي وصاير عليه!
حسين االساعدي
::::
ما هون زمنه _من هوانه
يلماكلت باسمك_ منهو انه؟
جنك جاي تشتم _من هوانه
وتسولف عذاب المر عليه!
حسين االساعدي

[♡Mais Aljanaby]

عاشت ايدك حلوه كلش

[فقار الكرخي]

ابوذيات روعه