#باسم_الكربلائي_Bk قصيدة : ليل فراق \ ليل فراك
للشاعر : احمد الذهبي
المناسبة : الليالي الفاطمية 1440
https://youtu.be/VtLuR58WH24
ليل فراگ .. اجه اعله الباب
ليل فراگ .. احسبه احساب
ليل فراگ .. اخلصه اعتاب
ليل إفراق .. ليل افراق
انه اويه الباب راح اسهر
و اسمعه اعتاب و اتحسر
و اشوفن زمزم عيوني
نهر عطشان للكوثر
انه يا باب انه حيدر
انه الكاسر ضلع خيبر
وراك انته ضلع روحي
عجيبة شلون يتكسر
ليش الليل .. اخلص ادموع
ليش الليل .. احسبه ضلوعه
ليش الليل .. ارسمه اغياب
ليل افراگ
الا يا بابي لو تسمع
كلام عيوني و المدمع
يگول الفارگت عيني
بعد بأحلامي ما ترجع
جمر حسراتي من تطلع
احس انفاسي تتگطع
راحت فاطمة و دمي
وگف ما يرضه يتوزع
هذا الموت .. اخذها و راح
هذا الموت .. اعذبك صاح
هذا الموت .. اليّه اشجاب
ليل فراك
فهمني الباب بالنضره
حجي لي هواي عالزهره
ولوها و ما حجت بأسمه
صاحت يا علي العصرة
يماي و باگته الصحره
دليلي الضامي شيصبره
هجوم اللي كسر ضلعج
هجوم الليل عالگمرة
بين النار .. اذا تمشين
بين النار .. اشوفج دين
بين النار .. اشوف حجاب
ليل افراك
وحق من گال ألم نشرح
أله الكون لو يسمح
على الباغين اجر سيفي
ادين و روس اظل اذبح
اسوي المعركة ابمسرح
و ستارة موتهم تفتح
و اشوف العالم ابأسره
مصيره الـ بالورد يجرح
وين يروح .. الي المطلوب
وين يروح .. احمله ذنوب
وين يروح .. اطلب احباب
ليل إفراك
يلون العافية شلونج
بدون العايش بدونج
اخاف امن الگبر و ادري
يطيح اترابه بعيونج
لأن يالزهره يدرونج
علي بروحج يدفعونج
ابوفاتج جانت امنيتي
افك صدري و يدفنونج
صوت الروح .. اريد اوياج
صوت الروح .. بعيد انساج
صوت الروح .. جرح ما طاب
ليل إفراگ
على الرمشين اثر الدمه
و نهاري بعازة الشمهة
يروحي اشماتت بروحي
شمس لو ماتت البضعه
يطيحة ماي عالوسعة
الدمع لو طاح شيرجعه
حمامة بيتي الحنينه
كتلها الخاين ابربعه
باب الدار .. اسمعه يگول
باب الدار .. انه المكتول
باب الدار .. اشوفه اخضاب
ليل افراگ
عمر هالليلة مدري اشگد
بلا ليل و گمرها ارمد
و اشاهد صارت النجمة
بعيدة و انتي منها ابعد
يمن تسوين جم فرقد
الج بيّه اثنعش مرقد
يالملبسة الحجاب حجاب
انه و الناس الج نشهد
راح اشتاگ .. الج كل يوم
راح اشتاگ .. انه المهوم
راح اشتاگ .. اليّه اسباب
ليل فراك
تحميل mp3
هنااا
رد مع اقتباس