المشاركة الأصلية كتبت بواسطة فقار الكرخي
اهلا بالضيف الطيب عبدالله
عندي كم سؤال .
العزيز على قلبي فقار حياك الله
1
. عود ليش متقبل تكول شكد عمرك .
احنه نعرف بس العندة غايات شريرة
يخفي عمره.
الأفكار الشريرة تحتاج الى فترة من التخمير لتتحول الى غايات
ترا ذكرت عمري بس أنظر بقلبك
2
. اني اشوفك هادئ .
هاي طبيعتك حتى بواقعك لو بالحقيقة غير شكل .
من قريت سؤالك للتأكيد سويت أستطلاع لكم شخص من حولي واجابوا بأني هادئ
لكن أكيد مو دائم الهدوء
3
.من صارت الفتوى على داعش .
اكثر اهل البصرة طلعو للقتال .
انت شنو جان دورك
من صارت الفتوى نظمت استمارة للتطوع بصفوف الحشد الشعبي ، وعدوني انهم يتصلون بي لكن ما أتصلو
بعدها كان عندي نشاط ضمن جمعية أنا من مؤسسيها .. نزور عوائل الشهداء ونقوم ببعض الفعاليا ما أحب اتطرق لها
4 .
اذا اصعدك فوك حصان .
تعرف تسوقة لو تشبع دفرات
كثير أشياء كنت أتمنى أتعلمها منها ركوب الخيل لكن مع الأسف غير متاحة
أتوقع راح أعرف شلون اسوقه بسهولة
أنت صعدني وخل نشوف النتائج
5 .
شنو الفرق بين النائبة جنات
والعضو فلسفة شمعة .
الفرق بالوزن
الطيب فلسفة شمعة وزنه أكثر من الجميلة جنات
ربي يحفظهم
6
. ليش الواحد من يسئلو عن حياتة وشغلاتة
يسوي نفسة ملاك نازل من السماء .
وما يذكر الشغلات الموحلوة العندة
لأنه يحب يكون هيج .. فيظهر بالشكل الذي يحب كلما أتيحت له الفرصة .. وهذه فطرة
بالعكس بعض الاشخاص يفتخر بأنه إنسان سيء وأنه كله أخطاء وما يعترف بنظام وأنه فوضوي
وبالاخير يكول الي يريد يحبني أو يصادقني لازم يقبلني بعيوبي
إذا كان الإنسان لا يلبس حذاء معيوب كيف يقبل بصديق أو حبيب كله عيوب ؟؟!!
معنها علاقات مصلحة سطحية ليس فيها لا روابط مشتركة ولا استحقاقات متبادلة ...
وهذا خلاف الفطرة .. لأن الإنسان بطبعه يميل لأن يظهر بصورة حسنة لائقة مقبولة
7 . ل
ن يغير الله بقوم شيئ ما لم يغيرو ما بأنفسهم .
انتو اهل البصرة يومية طالعين مضاهرات عالحكومة . متشوف اول مرة لو تغيرون ما بأنفسكم .
حتى الله يغير احوالكم الى الاحسن
التظاهرات تنطلق عفوية بأعتبارها الوسيلة الوحيدة المتاحة للمواطن حتى يحصل على بعض حقوقه
لكنها تسيس وتستخدم لتحقيق مآرب حزبية سياسية
الشعب العراقي من شماله الى جنوبه بحاجة لأن يغير ما بنفسه .. لأن المشكلة في البلد مشكلة شعب
لا حكومة ولا سياسين .. بأي بقعة بالارض يكون فيها الشعب بلا إرادة بالحجم الذي يحتاجه التغيير يكون حالهم مثل حالنا
8 .
كل بشر عندة زينات وشينات
انت شنو شيناتك . او الشغلات المو حلوة البيك .
بس لتكول طيبة كلبي وحظ ماعندي
بعض العيوب خاصة جدا ما أكدر أذكرها وأنا أعمل على الخلاص منها أو الخلاص من الأسباب الي وجدتها
أكبر عيوبي من أعصب أكون شخص عنيف وأستخدم القوة بأفراط .. بالفترة الاخيرة أحاول أقنع نفسي أنه ماكو شي يستحق ونجحت بكثير حالات وتجنبت بيها الانفعال .. لكن من يصير تراكم ممكن أعود للحالة السابقة
ومن عيوبي أيضا أحيانا أتعامل مع بعض الاشخاص بحساسية زائدة .. الأشخاص الي ما تكون نواياهم واضحة مع أني أفترض بيهم حسن النية .. لكنه ربما نوع من الحذر
9 .
هسه اريد اعرفك تجامل لو متجامل .
كل بشر عندة سلبيات .
اريدك وبحكم انت عضو صارلك هواي بالمنتدى
تنطيني السلبيات التعرفها عن ..
اناقة رجل اسمر
هيفين
فرح
حازم البغدادي
بصراحة ما أعرف عنهم سلبيات
ظاهرهم شخصيات لطيفة حضوراتهم بالمنتدى حلوة
لك ولهم المحبة والتقدير
10 .
هيج والله بشرك انو شتريد الله يحققة الك
شنو تتمنى .
بس لتصير عادل عبد المهدي وتكول الأمن والامان
لا شغلاتك التريدها شنو
أتمنى نتخلص من الطسات والتراب الي مالي الشوارع
يشهد الله أتمنى السعادة لكل الناس .. ولي ولها أيضا
طبعا اشكر زنوبة على هكذا ضيف طيب
ولو تعبناك عبود
بالعس أستمتعت بأسألتك وردة
