المشاركة الأصلية كتبت بواسطة didi
١- شكد نسبة صراحتك مع نفسك واقتناعك بعيوبك ؟
يفترض أن أرى نفسي بنسبة كافية لرفض وأستنكار عيوبها وتقويم أعوجاجها وتحسين حالها
٢- العيوب اللي تكتشفهة وتعرفهة بنفسك ويجي شخص يگولهة الك تتقبل لو تترفع انو يحجيهة احد الك ؟
لاحظت في حالات أني أنكرت وجود هذا الخطأ أو ذاك .. وبعد التفكير بالسبب وجدت أني كنت أريد أخذ دور غير الي ظهر للطرف الاخر
أما في غير هذه الحالات لازم أتقبل وإذا ما تقبلت منه فأنا على خطأ .. ولا أقبل أن أبقى على خطأ
٣- كل انسان خليط اشخاص بداخلة هوائي ملتزم عقلاني انطوائي اجتماعي
كم نسبة كل شخصية فيك ومنو اكثر وحدة طاغية ؟ والسبب انت تاركهة تطغة لو هية مترسخة بيك ؟
أعتقد حسب الموقف والظروف تتغير النسب .. أحيانا اشوف نفسني عقلاني جدا وأحيانا غير ذلك
لكن بشكل عام .. هواي أفكر بالخطوة الي أخطوها وأحسب لها الف حساب وأدرسها من عدة نواحي وهذا يدل على أني أتصرف بعقلانية وهذا ايضا ما أسمعه من الاخرين عني
لكن مشاعري وقلبي ممكن يلغون العقل بالكامل دون أن يحتاجون الى سبب ومبررات
عذرا إذا ما كدرت أحدد النسب كما ذكرتِ في السؤال
لكن ممكن أن أقول أني (هوائي) ملتزم عقلاني أنطوائي بنسب متساوية وأجتماعي بنسبة منخفضة
وجودها بهذا النسبة قد يكون مترسخ .. أما كوني مو أجتماعي فهذه رغبتي
٤- اذا ردتك تعرفني كيف اتعامل معك شنو اكثر شغلات تحب تذكرهة واعرفك بيهة صفات ومعلومات
لي الشرف بالتعرف على حضرتك .. لكل أنسان أسلوبه بالحضور والتأثير على الطرف الاخر بغض النظر عن كونه رجل أو إمرأة
إذا حبيت أعرف شخص أكيد بداية أعرف عنه معلومات عامة .. نادرا جدا أحب أعرف معلومات شخصية عن أحد
٥- تعجبك البنت اللي تتلحن بالكلام وتحجي بتغنج لو ذات الشخصية القوية
لو المعتدلة ؟ وشنو اكثر شي يلفت نظرك بالجنس الاخر ؟
ما تعجبني البنت الي تخرج عن الضابطة الاخلاقية الاجتماعية .. المرأة كلما ظهرت بسلوك مقارب لسلوك الرجل ما تثير أنتباهه
ما يلفت أنتباه الرجل في المرأة هو ما يجعلها مختلفة عنه، ما يجعلها مكملة له ، قدرتها على الجذب .. الانوثة هي القطب الذي يدور حوله الرجل .. الرجل يشعر بجذابية بعض النساء ولو خطفت من أمامه كالبرق .. المرأة لا تحتاج أن تطيل الوقوف ليشعر بوجودها الرجل .. الرجل الذي يرى المرأة بعد أن طال وقوفها عنده،، رجل أعمى لا يرى هذا النوع من النساء .. وأن رآها فبالواسطة وسيرجع له العمى عنها يوما ما .. هذا بنحو عام وهذا ما أراه
٦- كلمة توجهها للنساء بصورة عامة تظن انهن يحتاجن هذه العبارة ولابد يلتزمن بيهة ؟
اغلب الذين يقولون للمرأة ان تستهتر بالقيم الاجتماعية لا يسمحون لنسائهم بذلك
٧- اخر شي كلمة توجهها الية بعد هاي الاسئلة المملة
أنت لطيفة مثقفة ..
مع جزيل الشكر والامتنان على اجابتك عليهن
