اخذوني اوياكم لتخلوني !الشاعر حسين الساعدي
اخذوني اوياكم
اخذوني اوياكم لتخلوني..اخذوني اوياكم لتخلوني
للموت اخذوني وياكم.
الموت ارحم من فركاكم
يابويه وليوين اتناكم
ميته ابغيبتكم تلكوني
اخذوني اوياكم لتخلوني
.......
لا تتركني ابغربه اوطفله
بعدك بويه اتزيد العله
كل طفل ايهاجر وي اهله
ليش أهلي ابغربه ايعوفوني
اخذوني اوياكم .لتخلوني
....
الموت اوياكم احسن وافضل
اولا اضل ابهل غربه اتعلعل
تدري افراكك ما اتحمل
يابويه ويتغير لوني
اخذوني اوياكم .لتخلوني
....
اخذوني اناغي العبد الله
لتعوفوني ابأه اوحسره
كَلبي ابغيبتكم شيصبره
عالدرب اتضل تربي اعيوني
اخذوني اوياكم.لتخلوني
....
فوك اخدودي اتبات الدمعه
وابقى ابلياكم متصدعه
خاف اتروح اومالك رجعه
خابت من هلروحه اظنوني
اخذوني اوياكم.لتخلوني
....
اشلون اعيوني اتعوف اعيونك
واشلون ابغربه ايذبحونك
يابويه اتيتم من دونك
ميته اتمنى ولتعوفوني
اخذوني اوياكم .لتخلوني
خادم أل البيت ع
حسين الساعدي
رد مع اقتباس
