كبل عندي احباب!-حسين الساعدي
ياجرح هذا اللفاك و مايطيب؟
وانته جلماتك دوه اداوي الجروح
هيه معروفه العذر قسمه ونصيب
لليطيح ابغيرك! ورايد يروح
واحنه بينه اجروح تضحك عالطبيب
يلله خل نتكابل انون وننوح
انه اصرخ حيل صرخات الغريب
وانته تصرخ للكمر فوك السطوح
اشكثر ودت اظنوني وما تجيب
عندي غالي وايدي ما تكدر تلوح
كبل عندي احباب سموني الحبيب
وهسه عافوني وحجوها ابكل وضوح!
ماخذين الروح عافولي النحيب
والنحيب ايحشم ادموعي التفوح
فشله ملك الموت لو دزه االمجيب
ويلكه جثه وعايفيها ابلايا روح!
يلكه جثه امسلبيها ابلايا روح!
حسين االساعدي
رد مع اقتباس
