تـوديـن الـرفـاگـه شمال وداج
يروحي انتبهي طيبج وين وداج
اعله دج الخنجر تنامين وداج
دجته ودجت المغيسل سويه
حسن البركي
-- -- -- --
كطعت موش منك.. ساعه بيها
الكرهني وهاي عمله ..ساعه بيها
ايدي تحكني لو احط .. ساعه بيها
من اهد ما واعدتني وخنت بيه
اياد عبدالله
_ _ _ _ _
هنا يلطيف شخصك ...لا محـنـه
يضل چفي اعله جيتك ...لا مـحنـه
لا ضـلـت شـفـاگـه ... لا محـنـه
الهلا شرخص الهلا وشحت عليه
حسين صالح
____
والـد چـنـت اشـوفنـك .. واراك اخ
هجرتني وحيل صحت انه .. وراك اخ
كــ موگد ليـش عايفني .. وره كوخ
اهفتت والجان كام يبات بيه
محمد المياحي
___
اون بومة بخرابة هجر .. وانعم
وروحي تگول حبة دخن .. وانعم
الحمدلله عليه التفت .. وانعم
نفس خلاك رايح راد بيه
رحيم الركابي
____
ذكرتك وانه المعسرات .. داخان
بيه الحدر ضلعي احس .. دخن
اشهگت وانترسن الريتين .. دخان
كخيمة زينب الثعوال بيه
جهاد المياحي
___
التفتلي الشامت وحن علي صدفا
هذاك العود گلبه كشر صدفه
مگابل بابكم وانتظر صدفه
الهوه يدفعه واشوف الگطع بيه
احمد عاشور
___
تطربين لجهالج ... وانعه طربيج
لاگه الناي صوتج ... وانعطر بيج
الخذچ ماشم ووچد ... ون عطر بيج
اليه''وطلگچ بأول مســيه
جهاد المياحي
رد مع اقتباس
