..
غلطان بهواك أعترف
للخشن شمودي الترف
هو اني ماعندي ذنب
بس روحي جانت فاهيه
يالعفت بيه شجم جرح
كلفات وينكطن ملح
وياك ما ارضه بصلح
لا وحك نيتي الصافيه
حلفيت للظل ورحت
ماشايف اغياب وشفت
صح اني عايش مامتت
بس عايش ابلا عافيه
عايش على الله وعالتتن
والكلت مايبجن بجن
مر حتى لوشامت تجي
وحلف العين الغافيه
المن ارد وبكلبي رض
يالتضحك ومالك غرض
هذا انا ابد ماعدي حظ
صارتلي علوه الناصيه
مادام شمعتنه انطفت
إنساني منا وانتهت
شتفيد لو عشره بقت
وكلوب مامصافيه
كلش بعد ما بي صبر
لجمات ما احمل بعد
لجمت افراكك كافيه
الجمه ماعدهه جدم
بس لو بطاريك حجو
تطلع وتركض حافيه
رديت وخدودك حمر
وانا ارجعت اسود وجه
أشبه الجمره الطافيه
اهواي الك ماينحجن
واهواي الك ما ينسن
وجروح مامتشافيه
سوالف شكد عندك شفت
ولكن ولايوم اسمعت
منك سوالف دافيه
...
حكيم الفريجي
رد مع اقتباس
المشاركة الأصلية كتبت بواسطة hudhud.G
