طريقة تحويل الرقم الشمالي الى بغداد
طريقة تحويل الرقم الشمالي الى بغداد
(( اخوان اصحاب السيارات الشماليه
اليكم طريقة تحويل الارقام حسب بطاقة السكن ))
حاليا تم العمل بيهه و تكدرون تراجعون من باجر
تحويل الرقم مايكلف 50 الف دينار بس استمارات و استنساخ و كذا
تم الاعفاء الرسم الكمركي و الضريبه للسيارات الداخله قبل تاريخ 18_1_2016
يعني الداخلة للعراق ورة هذا التاريخ عليها كمرك يعني فلوس
شباب الخطوات اول بأول....
١ / تروح الموقع المرور حسب القريب على منطقتك. تروح تسوي تعهد خطي يم العرضه حاجي يكعد باب موقع المرور .
٢ / تدخل على مدير موقع المرور علمود يهمشلك ويحولك على باقي الاقسام .
((((ملاحظه)))) لازم تاخذ وياك المستمسكات الاربعة الاصليه + السنويه والوكاله الاصليات .
٣ / وره مايحولك مدير المرور على باقي الاقسام راح توصل الى قسم الحاسبه .
راح يسحبلك واجهيه الي هي استمارة (اتأكد من صحة معلومات الواجهيه قبل لاتطلع من المرور خاف بيه غلط رقم او اسم) .
٤ / وره ماتخلص من اجراءات المرور .
ابو المرور راح يكولك خلصت وروح الكمرك.
٥ / راح تنطلق بأتجاه الكمرك الي هو في (مديرية كمرك المنطقة الوسطى. في ابو غريب يبعد عن المقبره تقريبا كيلو) .
٦ / راح تبدي بالمعامله الكمركيه بعد استنساخ المستمسكات والسنويه والوكاله . راح تدخل للمدير علمود يهمشلك ويحولك على باقي الاقسام لاكمال الاجراءات الكمركيه. واكرر ( تم اعفاء السيارات الشماليه من الرسم الكمركي) بس تدفع 10 الاف فقط لاغيرها .
٧ / وره متخلص معاملة الكمرك راح تراجع المرور وره 20 يوم او اكثر انت وحضك ...علمود تكمل اجراءات السنويه واللوحات. والدفع الرسوم وحسب الموديل وصك من موديل ٢٠٠٩ وجوه معفي من الصك بس ٩٥ و٦٠ الف
رد مع اقتباس