كبال المرايه شكثر ضاعت حلاتك
من ورى الحدر الضلوع
اتناوشوك وهدرو اسمك!!
منيلك منجل حصاد
ايشيمك كبال السنابل
لو مناحرهن تشمّك ؟
معتلگ كاس لخمرهم وانت صاحي
مدري ليش تصير كاع
وتعرف الوادم مساحي !
فززو جرحك وحتى الليل دنّك
ضل جديد بعين اليدورن غالي
شبيك تعتگ !
شبيك تلهث عالسراب
وحزنك بكد العطش فارش شليله
الدنيا متروسه مواگد والبرد ماعنده حِيله !
ولا يغشك لو لوه عنانه وجزاهم
زود الكحيل بصهيله !
لاتبيع سنينك امنوّل السوم
الذلّة ماتسترها ليله !
الشيب يمته يسولفك والعمر فاتك
كبال المرايه شكثر ضاعت حلاتك
شكثر دلّوك وتهت يم امنياتك !
صوتك شگد بي بجي وندمه اعله طولك
منتظرمن
والشفايف تستحي گبالك تگولك
إنباع واسكت
وامشي واعثر
وانتجي اعله آخر محطه وانت ماعندك سفر
ياهو گلك گنطره وفوكك المايندل عبر !!
شوف روحك
بلكي تلكالك غريب يريد كاعه
ياوطن كل النسوك وماكلت عنهم غرب
يامسية لكل مدينه انباعت بكعدة شُرب !
هذا حضنك مادري المن؟
سوالفك جانن تراجي
ومادري بجف ياغشيم
بحرگة المامش تعدّن !
صوغ روحك من جديد
لاتحب الناس عالضن !
وسام سباهي
رد مع اقتباس
