شايفه ..
شايفه الليل
من تنهب اصابيعه الامياله
أو توكع ابجفني الدقايق بسامير
شايفه الليل...
من يوكف وره الشباج راهب
وجهه جير
ايجدي من اعيوني نوم
أو نومي بين اعيونج الحلوات أسير
اوشايفه ...
شايفه ساعات الليالي
الوحده...
والثنتين...
وثلاثة
ولج تهدمني هدم
أو سبحه بيد الليل اصير
شايفه وجهي امن احير
تشرد احروف القصايد
من على اشفافي عصافير
أو شايفه وجهي امن احير
وجهي ابغداد رايه
وما لكت جف الأمير
كاظم الركابي
رد مع اقتباس
