یبعد المالهن كل مد...
یبعد المالهن كل مد...
یلذة اقران المدلل بأول كد؛
یلمبریني منك لا تفک لي الباب...
انا راید قمیصي من الصدر ینغد!
هويتك یا دللول الولد يبني!
احبک یالولا مو هامني تحبني؛
یعز چتال انا اتمنی:
یزوعني البير و ترجع تذبني...
شملذك من تعذبني!
شمعزک من تبچیني...
الف مره بالیوم تطیح من عیني؛
و ترد تصعد!
یغیم الحار بین السگف المهدل...
و بین الترفه ذیچه الما یحب تذبل؛
اگلهم ما غواني و انت غاويني...
و تخليني اگول و ما اعرف افعل،
تهت...
بس لا تدلیني؛
انا اول تايه الما يشتهي يندل!
مره تخوف المبلل...
و مره مبلل من الخوف!
بیک اشگد زحف یلگون...
تتگطع شبیک بساع وتگضّي المسير زحوف؟!
من گامو یبیعونک بمدري شگد...
غدیت تخاف من الحوف!
و تتیدد شما تعتگ؛
یبحر المایغرّگ خلني بيك اغرگ...
شربت الستعش چا لیش ما اشرگ!
يالبدينك بري فرعون...
"لا تتهم کلیم الله"
ولو عندک النار و لا چفي الماعون؛
بس وادمنا بين و بين...
من تگلهم حرامي فلان؛
یگلولک امس صلّى!
ناس الدورت بالطف علی الدمعه...
عمیه وداعتک یحسین؛
لا تحچیلهم شمعه!
حاچیني...
یالمسودني لو عشگک یضر دیني...
اعوف الدين و اتباهه بسواديني!
من مسجد المسجد بالعمر مره؛
و انا گاضیها رایح راد بسنيني...
شبعد موجود من بعدک يا اما بعد!
لفته الحموداوي
رد مع اقتباس
