اشلونكم يا اهل المقابر؟_حسين الساعدي
اشلونكم يااهل المقابر
فدووه بس ردوا الجواب
حلوه ضحكتكم بعدهي؟ لو تولاها التراب!
والمعاني
الحلوه
ضلت
لو مشت ويه السراب!
؛
سولفوا
يا اهل المقابر
ياهو اليعيش المصاب!
الفرح راح ابقبركم واحنه بالدنيا الخراب!
انتوا سهلات البقلكم واحنه نتلكه الصعاب!
مدري متعذبين انتم مدري احنه ابهل عذاب!
احنه
ضلينه
ابمسافه
ظلمه واخطار وضباب
طالت الركضه وتعبنه و نمنه مابين الذئاب!
الغدر عايش اويانه والكذب والاغتياب!
الدنيا
جن
يوم القيامه
وبيها انواع العقاب
وانتم هسه ابرحمة الله وعفتوا يمنه الاكتئاب!
الطفل يمكم وشايب واحلى بستان الشباب
واحنه بالاسود بقينه وعيدينه ابهل ثياب!
الروح لو تثوب الكم
جاء
نحطها
اويه
الثواب
؛
وينكم ياهل المقابر
راح اوجهلكم عتاب
ماتضيفون اليجيكم اكبوركم مابيها باب!
وانتو
تربات
المضايف
والكرم والانتساب
ليش جا وين الضيافه وما توفون الحساب!
اشكد اجينه
وناشدينه
وانتو سكته ابلا جواب
إوما تردون الجواب!
حسين االساعدي
رد مع اقتباس
