قصيدة الصبر
الصير
الله يسامحك يل قصرت وياي
كل احبابي من اغلط يعلموني
تاج انته اعتبرتك ذهب فوگ الراس
انت وربعك اترجه تقنعوني
ما تعرفني ماتعلم شنو الاطباع
من فضلك اريد تشوف مضموني
انه الي سحگت الصبر من صباي
من تعكس الدنيا اعدلهه بفنوني
من اخلاقي ما اغدر ولو بعداي
اطباع العرب توگفلي بعيوني
ماگصرت ايدي علّي باع الطيب
اسعي بواجبه وهيچ اهلي ربوني
حمل الصاحب ايگولون بالسبعين
وانه اتحمله واوصل المليوني
ويگول الله لا تبسط الايد هواي
وانه ابسطهه للمعتاز صدگوني
حتى بالحصار الوضع نفس الحال
ما فد يوم اذكر شلت ماعوني
ليل نهار نعمل داخ منّه العوز
وانه الباري بي ماخابت ظنوني
من زغري كلمتي ما تصير اثنين
استنگه الكلام ويطلع بلوني
عمري خمص طعش بالمهنه چنت استاد
ياما خرجت ابداع يدروني
يگصدني الصديج وربعي والخلان
ما تصعب علي شدة يعرفوني
اتمنى السلم ينتشر بين الناس
بالعدوان ما اريدن يحاچوني
طبعي ما اسولف ...واستمع للناس
واحچي سوالفي لمن يسألوني
ماعندي خلگ واحچي كلام هواي
والناس بحكمتي وعلمي قيموني
جدي بالعمل وانصح وعندي فنون
على شغلي النظيف الناس حبوني
واتوكل على الله بكلشي ما انساه
ما غير الله وجنوده الي يحموني
ما بيّتت نية غدر او عدوان
وادعي بالهدايه للي عادوني
حتى الطفل حسسته بعيونه چبير
وازرع بي ثقة وهو على متوني
ما عيّبت واحد بالفشل فد يوم
والناس ابّساطة وضعي شافوني
ينزل دمعي بس لربي واهل البيت
خوفا وخشوعاً للي يهدوني
كون ينزلن بدمهن اريدن دوم
لو صارت اگولن الف خيعوني
لن بيهه ملذه للنفس والروح
بالله العظيم دموعي فادوني
واعلم يلي علمك طايح بمگفاك
ومابي ذرة من علم الي علموني
بالريش الي سويته والف هيهات
ما اثر علي حصتي الي قدروني
اسماعيل القريشي
٣٠/١/٢٠١٩
رد مع اقتباس
المشاركة الأصلية كتبت بواسطة ضياء المالكي
