تاكل من نعمتي وترفس الماعون
أسهر مثل الاول وانته شابـــــــــــع نوم
يمكن لو طحت ما أمد جفي عليك
واتفرج واباوع حالي حال الكوم
يمكن لو متت بيـــــــــدي اعزم الغربان
وابدارك اجيبن كوه ينعه البوم
ليش اتلوم
لاتعتب عليه وماكو داعــــــــــــي اتلوم
تاكل من نعمتي وترفس الماعون
متعمد جفيته وكتلي مامقــــسوم
ولان شفت العــــــشك متعلك اعل اللوح
تمنيت الوكت كسرى ابزمانه ايصير
حته امنرد اطالب ينصف المضلوم
اتمنه القيامه وانه أحاسب بيك
واعفيهه الخلك بس انته اكلك كوم
وامشيك بجهنم ممشه عشر سنين
ومضاعف عليك اليله ميت يوم
واتحايل عليك بكتلت العباس
وامليلك جربتك ورق من زقوم
مامندوم
اصلن من هجرتك ابد مامندوم
اريد انحر وهج لاخر شبر بل الكون
وذبح هدهدك علا يجيب اعلوم
وماردن بعد والعذر بس بهاي
اله تسودنت وامشي بلايه هدوم
عبد الرحمن ابراهيم
رد مع اقتباس
