مدري اشورطاني ابطبت السوك؟_حسين الساعدي
كالولي الرطب صاير عله الضوك
حسين الساعدي
:::
جنت اضحك عله الناس اليحبون
اذا سهروا الليل إوما ينامون!
اكول اشمالهم راحوا عله الشوك
وماضلوا مثل حالي و يضحكون!
جانت بيه ضحكه اتشك الحلوك
اضحك وبضحكتي امنور الكون
حسبالي تضل الضحكه التلوك
عليه وما أون مثل اليونون!
مدري اشورطاني الطبت السوك
جن اتكهربت ما اعرف اشلون!
كالولي الرطب صاير عله الضوك
ضكت وتورطت والهسه مفتون!
ما ادري العيون النعدك اتبوك
وكلبي الحوسميته ابذيج العيون!!
كلبي الصار عندك عفته محروك
ابيا دين اخذته و صار مرهون؟
انته الزغلطيت ابشرع الحكوك
وانه الداينت وتكلي مديون!
تسحب بالهوه وعايفني مخنوك
شتحصل اذا تلكاني مدفون!
كالولي عليك اتخيط الفتوك
جا كلبي شجاك وعفته مطعون
ماخيطت جرحه الهسه مشكوك
وشحال اليون يم اليكرهون!
انته ابسعرك اشما ينزل السوك
وانه الجنت عاقل هسه مجنون!
انه الجنت عاقل هسه مجنون!
حسين االساعدي
رد مع اقتباس
