تسلمليالمشاركة الأصلية كتبت بواسطة محمد صبيح
لخاطرج بس ..
تسلمليلخاطرج بس ..
من اي عشيرة
يامحافة تحبها
لـ اي دولة سافرت
من تتخرج شتصير
اصعب مرحلة مريت بيها (( الابتدائيه. المتوسطة. الاعداديه. الجامعه) )
شلون جانت ايام السادس حلوه لو لا...
برايك ليش الرجال بصوره عامه وكـ رجل عراقي بسرعه ينثار غضبه
عود ليش من الصغر نسمع الرجال عيب يبجي شنو يعني ماعده احساس ومشاعر
برايك الولد هم يحب صدك لو يكضيها كلاوات
اكو واحد يكولون لحبيبته عنه مزوج وهو يحلف. يقسم لحبيبته مامزوج برايك بهيج حاله البنيه بيمن تصدك ^
برايك الرجال لو كال احبج لبنيه وهو مايعرفها غير يومين هذا ديكذب لو صادق لا تكلي يرجع له (( دا احجي بصوره عامه) )
انت تاخذ من اهلك مصرفك لو تشتغل ^ وتصرف ع نفسك
عود ليش الولد يستحي ياخذ من اهله مصرف ^≈
عبر بكلام عن هولا۽ الاعضا۽
محمد النائب
محمد صبيح
فقار
ضياء المالكي
ادريس
حازم البغدادي
زيتو
فلفسة شمعه
وسام
عبدلله
اركي
سوسن محمد
لانا
ود
فتاة من ذهب
جنة الروح
براءة عشق
سهليه وسيم
كات
اني
سوزان
فتاة المطر
اسينات
رحيل
ايهما تفضل
علي الدلفي محمد الحلفي احمد الساعدي احمد زوره
ايهما تفضل
نور الزين سيف نبيل زيد الحبيب جعفر الغزال
ايهما تفضل
باسم الكربلائي قحطان البديدري ملا جليل
من اي عشيرة
احنه مو عشائر لان اصولنه مو عراقية انما قبائل عربية من شبه الجزيرة ^_*
يامحافة تحبها
احب النجف و بغداد
لـ اي دولة سافرت
اكثر من دولة ^_^
من تتخرج شتصير
مثل ما اني لأن الشهادة بس اعلكَها ع حايط
اصعب مرحلة مريت بيها (( الابتدائيه. المتوسطة. الاعداديه. الجامعه) )
اعتقد الابتدائية لأن تنقلت بيها اتوقع 3 مدارس او اربعة
شلون جانت ايام السادس حلوه لو لا...
تخبل , احلى ايام حياتي , حتى احلى من الجامعة
برايك ليش الرجال بصوره عامه وكـ رجل عراقي بسرعه ينثار غضبه
بسبب الظروف الي عايشها لان واقعنا صعب جداً
عود ليش من الصغر نسمع الرجال عيب يبجي شنو يعني ماعده احساس ومشاعر
اني بالنسبة الي ما سامعها من اهلي , لكن اني بطبيعتي ما اعرف ابجي , اتاثر و انقهر كلش بس ما اعرف ابجي و اعتقد هل شيء خطأ حسب ما سامع بعلم النفس ان البكاء يريح جداً
برايك الولد هم يحب صدك لو يكضيها كلاوات
والله اولاً حسب التجربة و ثانياً حسب النية , عن نفسي مريت بالحالتين بفترة الطيش و المراهقة ومن كبرت ^_^
اكو واحد يكولون لحبيبته عنه مزوج وهو يحلف. يقسم لحبيبته مامزوج برايك بهيج حاله البنيه بيمن تصدك
الي فهمته انه يكذب ع بنية يكَولها هو ما متزوج وبالحقيقة متزوج صح ؟ اذا هيج السؤال معناها هذا اله غرض بهاي العلاقة و يعتبرها مجرد تسلية و قضاء وقت يعني يضحك ع البنية
برايك الرجال لو كال احبج لبنيه وهو مايعرفها غير يومين هذا ديكذب لو صادق لا تكلي يرجع له (( دا احجي بصوره عامه) )
اعتقد اني مسويها ! هههه بس حبيتها من صدكَ , بوقتها ما ادري ليش تسرعت بس الي تاكدت منه بعدها انه فعلاً اني حبيتها
انت تاخذ من اهلك مصرفك لو تشتغل ^ وتصرف ع نفسك
والله حسب الوضع من يصير شغلي زين بعد ما احتاج اخذ من اهلي و من تدج الوضعية الله يحفظلي الوالد ما يقصر
عود ليش الولد يستحي ياخذ من اهله مصرف ^≈
شوفي هي حسب الولد اني مثلاً كنت طالب وماعندي مصدر رزق غير والدي فـ ليش استحي اطلب منه ؟ بس من كبرت و اشتغلت كمت اني اصرف ع نفسي وما محتاج حتى اطلب منه لكن المهم انه اني حاس بـ امان من اوكع بشدة و ضيق اعرف اكو ورايه شخص راح يوكَفلي
عبر بكلام عن هولا۽ الاعضا۽
محمد النائب
محمد احس انه كَلبه طيب بس مرات حسيته متسرع و كلش تاذيت منه بوقت سالفة زينب و حملته كل المسؤولية بس هو رجل و تحمل هذا العبء و تُحسب له انه اعترف بالخطأ
محمد صبيح
دائماً اكَولها انه اجمل موضوع بالنسبة الي مايك الدرر لان عرفني ع هوايه اعضاء من ضمنهم محمد صبيح , محمد تعجبني افكاره و تفتحهُ و روحه , احسه اقرب عضو الي من الرجال في الدرر , بس الحلو مايكمل لان برشلوني مع الاسف
فقار
فقار ماعندي علاقة بي بس الاحظ مواضيعه انه مهتم بجانب الشعر و هوايه تعجبني الاشعار الي يكتبها , احب غزله بموضوع صور الاعضاء , و كمت اخاف منه من شفته شون يستلم الاعضاء بكرسي الاعتراف , الحمدلله هو هسه مختفي يارب يرجع بالسلامة بعد ما تكمل استضافتي هههه
ضياء المالكي
كذلك للاسف ما عندي علاقة قوية بيه , لكن ضياء اشوفه انسان رزن جدا , صار اكو كم موقف من خلالها شفت ضياء شون يتصرف و كلش عجبني , احس انه انسان واعي و مؤدب جداً في الحوارات
ادريس
صديقي كاكه ادريس , هذا اجمل شاب بالدرر , احب روحه الطفولية , احسه قلب طفل بجسد رجل بالغ
حازم البغدادي
ما تربطني صداقة بحازم , بس غالباً ما اتفق مع اطروحاته بالنقاش يعني اختلاف اراء ليس الا , لكن احترمهُ جداً شخص صاحب تجربة و اخ كبير اتشرف بهِ
زيتو
الله يذكره بالخير , زيتو اخر مرة حجينه ايجوز 2016 , ما ادري هو المختفي لو اني , احبه لزيتو كلش و احب هوسه بالاسلحة مع العلم اني ما احب السلاح ههه
فلفسة شمعه
سيد اكرم الغالي , احياناً تشوف وجه شخص لا ارادياً تحبه , تحسه بشوش و قلبه طيب , مع اني ماعندي صداقة قوية بسيد اكرم بس كلش احبه لهذا الرجل
وسام
طبعاً قبل فترة يلا عرفت ان وسام اقارب مصطفى العراب ما جنت ادري هههه و هم للاسف ماعندي علاقة قوية وياه , وسام شاب رائع و متواضع جداً , مكافح , من الاشخاص الي احبهم واحترمهم كثير
عبدلله
للاسف ما متشرف بصداقته لكن تعجبني ردوده بالنقاشات احسه رجل واعي و مثقف
اركي
ماعندي علاقة بي ولا تواصل , لكن اعتقد ان شخصيتي و شخصيته مستحيل يكون بينهم اي روابط مشتركة , ما اعرف ليش بس من قبل كان رأيي ان ادارته للدرر عليها الكثير من علامات الاستفهام , اعتقد هو حالياً رجع يدير الدرر بعد خروج الاخ محمد , لكن ما اكَدر انطي بي رأي لأن ما متواجد دائماً حتى احكم
سوسن محمد
ست سوسن , انسانة مثقفة و شخصياً اكن لها كل الحب و الاحترام , قد اكون من القلائل الذين يتواصلون معها و عرفوا بعض التفاصيل عن حياتها , انسانة حاملة للهموم , لكن تحاول ان لا تظهر هذا الشيء امام الاعضاء , لذلك النظرة الغالبة عليها انها انطوائية و غامضة
لانا
لانا من اول يوم دخلت بي للدرر تعاركت ويايه و حذفتلي موضوع يابه ليش لان صنفت بي على المالكي و العبادي ههه , كذلك عندي وجهة نظر بخصوص لانا , مرة هي نزلت موضوع سياسي و صارت بي هوسة , ما تدخلت هي و خلت سامر هو الي يتدخل بوقتها صارت عندي علامة استفهام على دورها كـ نائبة , المفروض النائب يكَدر يتصرف بكل شيء مايحتاج للمدير حتى يتدخل , منتظر اشوفها هسه شون تغيرت لان الي فهمته انها رجعت للادارة ^__^
ود
عندي معرفة بيها بنية حبابة جنه نتواصل قبل بس بسبب الظروف انشغلنه و نحاول بين فترة و فترة نسلم ع بعض بالزوار
فتاة من ذهب
صباوي هاي اختي الصغيرونة كلش احبها و احترمها اتمنالها التوفيق بالدراسة حتى تصير طبيبة و اراجع يمها بدون فلوس كشفية ^_*
جنة الروح
زهراء هاي زميلتي بنفس الجامعة الي يومية اروح ما متريك و اكلها منتظرج تشتريلي ريوك ومن تسمع بطاري الفلوس تشرد ههه
براءة عشق
والله ما اعرفها للاسف احتمال تكون عضوية قديمة بس مغيرة اسمها ؟ اذا عضوية قديمة كليلي اسمها بالتقييمات حتى اعدل ردي
سهليه وسيم
اتوقع سهيلة وسام ؟ , ماعندي تواصل وياها لكن احس انها تشبه سوسن محمود ما ادري ليش احتمال لان هم نشيطة و غامضة بعض الشيء
كات
تعجبني مرات بحجيها العقلاني بس اني ما احب صفة بيها ان غالبا تستخدم اسلوب التنمر على الاعضاء بالنقاشات و كأن الي يخالفها الرأي انسان جاهل , اني مصارحها بهذا الكلام و كنت اتمنى تبطل هذا الاسلوب
اني
احب شخصيتج مرحة كلش , عرفتج من خلال كرسي الاعتراف , احب اسألتج من تدخلين بالتفاصيل هاي سوالف البنات ما ينكَدرلج بيها ههه
سوزان
شدوس هسه شكتب يعني ؟ شوفي انطيني فنتك خلي اكتبلج شيء بسيط عن سوزان , تدرين ليش احب سوزان كلش ؟ لأنها الصديقة الوحيدة الي مهما انقطعنه عن بعض بالكلام مرات تمر اشهر و احنه ما حاجين مع هذا من نحجي كأنه صارلنه بس خمس دقائق من منقطعين , اني اكثر صفة احبها بـ الانسان هو ما يبقى يعتب مال ليش ما تسال و ليش تغيب , بصراحة الي يسوي هل اسلوب ويايه احاول اقطع علاقتي بي , شغلة ثانية سوزان اعتقد جانت اول صديقة الي بالدرر لو هي لو اغرد بهمس ما اذكر التواريخ بس سوزان هي اصدق صديقة لغاية اليوم ماتغيرت عليه , سوزان اعرف هوايه تفاصيل عنها و عن حياتها , اعتقد لو ردت احسب مكاسبي من الدرر فـ سوزان لوحدها تكفي و توفي , بس الحلو ما يكمل ههه , كلش ما احب بيها صفة التسرع بـ اتخاذ القرارات و عدم استقرارها ع رأي واحد , سوزان ممكن اليوم تعشقك و باجر عدها استعداد تعتبرك عدو هههه , اني صريح كلش مو ؟ اتحداج تنكرين هل كلام سوزي
فتاة المطر
ما متشرف بمعرفتها مع الاسف والله
اسينات
هههه دائما تبسمرني بالتقييمات وتشلع كَلبي , كلش احسها حبابة و ننفع نصير اصدقاء لان عدنا قواسم مشتركة
رحيل
صديقة بفترة من الفترات لكن بسبب الظروف و الانشغال صرنه معرفة , لكن لازلت اكنلها كل المودة و الاحترام
ايهما تفضل
علي الدلفي محمد الحلفي احمد الساعدي احمد زوره
بصراحة ما اسمعهم كلهم
ايهما تفضل
نور الزين سيف نبيل زيد الحبيب جعفر الغزال
نور الزين خاصة بالاعراس و الحفلات يسوي اجواء حلوة ههه
ايهما تفضل
باسم الكربلائي قحطان البديدري ملا جليل
باسم هذا العشق , منو ما يعشق باسم , ملا جليل بعد السقوط كلش اشتهر بس صارلي كم سنة ماسامع عنه شيء , قحطان البديري صوته حلو بس اميل للعراقي لذلك اختار الاسطورة ملا باسم
هههههه رامي شأكول هسه؟عود كلامك خطأ؟لا اعيوني صحيح و100%بس عادةومع استمرار الصداقة وبمواقف بسيطة ''اللي اعتبره صديق'' يقلب نفسه عدو ، بالنسبة اليه تدريني ما اتغير ابدا كل اللي اسويه أنطيهdelete من حياتي وتنتهي المشكلة..
صدك فقار وينه؟تاك لفقار الكرخي
شلون عندك حظ ^^
فاتحه ع رصيد ونت ثكيل
وفقار ماكو ^^
مادام فقار ماموجود خل نستغل الفرصة
1- متابع ارائك السياسية ومتابعاتك الجيدة ... برأيك هل سيصمد عبدالمهدي كرئيساً للوزارء ام يقال ؟
مع عدم اكتمال الكابينة الوزارية لحد هذه اللحظة !!
2- مالذي يحتاجه العراق حتى يعود كسابق عهده بلد تحترمه كل البلدان والمواطن يعيش كباقي مواطني البلدان الاخرى ؟
3- هناك منظمات كثيرة للدفاع عن حقوق المرأة .. !! ولايوجد منظمة واحدة تدافع عن حقوق الرجل ؟
برأيك هل بالفعل انه الرجال لاتسلب حقوقهم من قبل النساء ؟
4- اداري سابق في الدرر تتمنى عودته من جديد (غير سوزانا) ؟
5- فكرة جميلة طرحت في الدرر تتمنى عودتها من جديد ؟
6- "مايك المنتدى" كيف تصف هذه الفكرة وهذه التجربة الجميلة .. ؟
وبرأيك اجمل واكثر من اثر فيك ممن جلس على مايك المنتدى ؟
ولماذا متوقف الان ؟
باقة ود
مرحبا
شكرا لان أستضافيتي ل أنسان ثاني
هو هذا هدف الكرسي نعرف الناس الغامضيين اكثر
(من وجهة نظري غامض)
المهم نورت رامي كلش سعيد لانو اتعرفت بيك قبل مدة
تفاجئت من قرأت هل كلام انو احد سألك عني
شكرا كاكه من ذوقك واللهادريس
صديقي كاكه ادريس , هذا اجمل شاب بالدرر , احب روحه الطفولية , احسه قلب طفل بجسد رجل بالغ
وعجبتني كلمة كاكه منك ^_^ احب الي يعتز بالناس ومينسى تفاصيلهم ..اظن انت صديق جيد لانك ايضا تحفظ تفاصيل والبنات يحبن هل صفة بأصحابهن
.. حتى السلبيات الي انت ذكرتها لاصحابك متقبلها ومستمر وياهم وهذا اجمل شيء بيك
التقبُل ،
سعيد بالقرأته عنك جدا والي رجعة اسألك
لا لا انتِ كلش عاطفية بالقرارات و هذا شيء نختلف عليه دائماً ^_*
الولد مشغول لحد يصيحه ههههصدك فقار وينه؟تاك لفقار الكرخي
اني محظوظ من يوميشلون عندك حظ ^^
فاتحه ع رصيد ونت ثكيل
وفقار ماكو ^^
الحمدلله المنتدى هدوء و راح تمر هل يومين بسلام هههه
فدوة لگلبكمادام فقار ماموجود خل نستغل الفرصة
ههههه تفضل حبيبي
1- متابع ارائك السياسية ومتابعاتك الجيدة ... برأيك هل سيصمد عبدالمهدي كرئيساً للوزارء ام يقال ؟
مع عدم اكتمال الكابينة الوزارية لحد هذه اللحظة !!
اعتقد دام عبد المهدي يعمل لمراضاة الطرف الاقوى (الصدر) فهذا يضمن وجودهُ مؤقتاً
لكن خليني اكون صريح وياك انا كنت من اشد المتفائلين بمجيء عبد المهدي ليس حباً بهِ لأني لا احب اي شخصية سياسية ذات خلفية اسلامية و لكن فقط لسبب كسر شوكة حزب الدعوة ، حالياً ماكو اي تقدم ملموس لكن اتمنى تخيب توقعاتي *_*
2- مالذي يحتاجه العراق حتى يعود كسابق عهده بلد تحترمه كل البلدان والمواطن يعيش كباقي مواطني البلدان الاخرى ؟
نحتاج لسياسي لا يعتبر المنصب فرصة للثراء و يجب ان يستغلها بـ اسرع وقت ، كذلك نحتاج الى قضاء نزيه ، لأن بنظري سبب الخراب الاول هو القضاء العراقي و دخوله بصفقات الفساد
3- هناك منظمات كثيرة للدفاع عن حقوق المرأة .. !! ولايوجد منظمة واحدة تدافع عن حقوق الرجل ؟
برأيك هل بالفعل انه الرجال لاتسلب حقوقهم من قبل النساء ؟
من اشوف منظمات حقوق المرأة قدمت شيء ملموس لجنس حواء بذاك الوقت راح اطالب بخلق منظمات لحقوق الرجل ، بـ اختصار جميع هذه المنظمات ليست سوى برستيج اجتماعي ولا دور لها في تغيير الواقع
4- اداري سابق في الدرر تتمنى عودته من جديد (غير سوزانا) ؟
انت ليش تجزم انه جوابي راح يكون سوزان ؟ بالعكس انا اكثر واحد فرح بخروجها وهي تدري ، لهذا اكيد ما راح اجيب اسمها ، اما عن الاسماء فهم كُثر ، من الاسماء الي خطرت في بالي حالياً هو (بشار) كلش ساهم في ارتقاء قسم النقاشات تحت ادارتهُ و كنت اتمنى بقاءه
5- فكرة جميلة طرحت في الدرر تتمنى عودتها من جديد ؟
فكرتك مال عضو في الذاكرة ، و اتوقع حاچي وياك و گايلك اتمنى تستمر ، و هسه هم اعيد كلامي ، ارجوك ضياء استمر ^__^
6- "مايك المنتدى" كيف تصف هذه الفكرة وهذه التجربة الجميلة .. ؟
بالبداية عجبتني فكرة الموضوع في منتديات اخرى حاولت اعيد استنساخ التجربة لكن بشكل مختلف بعض الشيء ولي ساعدني انه اكو شخصيات متعددة بالدرر تگدر ترتقي بالموضوع لذلك انا دوري فقط نقل الموضوع و هم منْ جعلوه ينجح
وبرأيك اجمل واكثر من اثر فيك ممن جلس على مايك المنتدى ؟
والله يا صديقي بكل صدق كل الضيوف تشرفت بحضورهم ، لكن الدكتورة فيري جداً عجبتني بحديثها
ولماذا متوقف الان ؟
لعدة اسباب اولها اني قليل التواجد و التواصل
ثانياً وجهت دعوة لبعض الاصدقاء و اعتذروا
ثالثاً والدي دائماً من اقترح عليه شيء يگلي صاحب النظرية اولى بتطبيقها
بعتبارك فتحت الموضوع معناها انتَ ضيفي القادم
شوف يا يوم يناسبك حتى اصير بخدمتك ^_*
باقة ود
تشوف شلون تمر بهدوء خل يجي الليل واعلكها
