كل مبيوگ عمري وگلبي كل محروگ
والگيعان چفي وانت رسمك فوگ
مدري بيا صبح لحتك نجم چذاب
وصدگت المطر للصبخه جيته تلوگ
وهّست السِنين الماعشتها اوياك
عدلت المَري وشباچنه لملگاك
ندهت الليل واشموعه وحنيني المات
صالحت الكحل وبعيني جبته يبات
ونطرتك كلمه تتحسر عليها حلوگ
عگب ماسولَفتني بكل غِوه، اتعافيت ؟
سعف يلچم بروحي الليش والوسفه وحچي الياريت
لا شفتك ولا يم سيرتك مريت
يلنك لو نخل ما طشرتني عثوگ
ولا خليتني اعثر وانه بكلمه انشال
وي كل سكته منك حرِگ بيه إنگال
امس عمري الوصلَّك مني مو مرسال
وصلّي الهان يمك ما طلع من بال
غيرك حتى لدموعي العلى غيابك رضو بسنيني اخليهم ولو موال
عذرتك والعذر للعال
والمعيول بي ماله اويه وكته احگوگ
ولا الها اختيار ابذكرك الحيطان
اسهى وصورتك تطرد شگد نسيان
واجيك وتفك جرحي بسدت البيبان
وارد ويرد شوگي اوياي للتذكار
اشيل ءمن اسمي ايدك والحسافه اسوار
وتمر لذت هوى وليغاد عنها اندار
محال اتلگه غيرك يا نِفس مبيوگ .
ايما صباح
رد مع اقتباس
المشاركة الأصلية كتبت بواسطة فقار الكرخي
