تحية طيبة اعضاء منتدانا الحبيب
قصيدتي الجديدة بعنوان / مقياس الزلم
النسر عالي ويبقى عالي بجنحة زود
اشما علت لا ما تهمة اجبالها
شما كبر صيتك تظل بعدك زغير
تضيع بالصحرة الجبيرة اجمالها
گتلک یزغرون من يتكبرون
يزغرن النجمات يم اهلالها
الفارس يعَرف الاصيلة من الكديش
والاصيلة تبين بخيالها
اكو جلمة تخلي للكايلها صيت
وجلمة ينهان ويذل من كالها
الدم فرق بين الشجاع وية الجبان
الكاع تاخذ زودها من ارجالها
الما حسب يتأذه من حجارة كون
ينتبه يحسب قصد محجالها
اكو رجال السهلة عدها من الصعاب
واكو ارجال اتأشر ويجرالها
تلكه الي تحشمه يصيح عيناك
وتلكه كومة وما يرف اخيالها
اكشخ الدنياتك التاليها موت
هناك يتساوه الغني وزبالها
بينك مابين ربك سوي خير
اليبقى من الموتى بس اعمالها
المواقف للزلم تتعله تاج
ويبقى مقياس الزلم بافعالها
حسن العنزي
رد مع اقتباس
المشاركة الأصلية كتبت بواسطة فقار الكرخي
