متعجّب يگلبي..
عثر...مهر الصبر مسبوگ...!
والمسبوگ....عذره اوياه..!
شدّ جرحه....
وتثنّه وگام...
والفشله اعله كبر الآه....
مو كلمن ...
تعوزه ايجيك وكت العوز...
ولاكلمن يطيح ابصيد تتمنّاه...
مر بينه الفرح...والحيل عكّازات
وي غمّ الفرح...والحيل تتنخاه
هلّت وي حزن...والعين تبچي الراح
ثاري الشيب باز...
امنيشن اعله اصباه...!!
عزّبنه الخواطر...ماخطر ع البال
يوم المالحك مدسوس سمّه وياه
متعوده السنين اتلوچ نار الغيض
تچويني ابجمرهه...وصحت فشله اشّاه
ويهون التعب من كون نحصد فود
بس صيت البيادر...وهف لمّيناه...!!
يصواب النجبره ابخشبة التابوت
كل جرح العصه ...
اعله اعضاب شدّيناه !!
مايسوه الحمل....
عاگول متني الشال...!!
بس متن الجفونه..ابورد شيلناه
لاعتبار عدهم...والسنين ابخات
لاحوبة مهابه....وجود يكرم جاه...!!
متعجّب يگلبي..
الناس تدري اجناس...!!
وانته اتورطت.!! والزين موش اهناه
كاظم العطشان
رد مع اقتباس
