سولفتلك عن عذاب افراگك
ضاع ذچر الناس بلساني وحچيتك
وطشت وجوه الخلگ من عيني كلها
وانته متخوصر بلب خلگي لگيتك
وسولفتلك عن عذاب افراگك
وچم صنطة مرتني وبچيتك
وبچت كل چلمة عتب بيها طريتك
ولك رادوا انسه ... تذكريتك
رادوا اجفل منك
وصحت انته
بس انته الهويتك
وناح بشفافي الحچي
وتدري انته حنّة
تفوح منك
وانه خنصر واشتهيتك
يازلف شجرة انته طولك
وانه چن عصفور ماتوا كل هله ومحتاج حضنك
عود اجيتك
تيهت بيك وجزيتك
لاصحتلي انته
ولا انه حضيتك
وين وعدك
وين ذيچ الفرحة لمواعدني بيها
الگتلي عندك تسوى كل حسن النثايا ومشتهاهن
بالچذب سويها مرة !
من اصيحك
گلي اجيتك ..!
چذبت گبلك يخايب
ردت اگلك ما اعرفك
ردت اگلك ناسي ذكرك
ردت اگلك ..
صحت احبك
حسين شاكر الريس
رد مع اقتباس
