الك الله ياابن العراق
الك الله ياابن العراق
منقول للامانه
اعترافات جريئة من(الخاص)
#منقول
آني خريج علوم اشتغل بمختبر تحليلات مرضية اهلي .. صاحبة المختبر ما تخاف الله ، من تخلص المواد المختبرية ما تروح تشتري وتگول لا ترجعون مريض ..اكتبوا نتائج طبيعية من عدكم هو شمدريه المريض ! ..
مثلا الطبيب يكتب اربع تحاليل ..اذا بيهن واحد او اثنين ماعدنه ، لازم ما نگول للمريض هاي عدنه و هاي ماكو ..لا ..التحليل العدنه نشتغله والماعدنه نكتبله نتيجة كلك !!
المراجعين كثير لأن المختبر بنص عيادات طبيه ، ووارد الفلوس خير من الله ..
وطبعاً صاحبة المختبر تگصب بالمراجعين گصب بالاسعار واهالي المرضى خطيه يدفعون بلا نقاش ..صاحبة المختبر متفقة ويه الاطباء ، تدفع فلوس المولدة مال عياداتهم على حسابها ..غير الهدايا اللي توديها الهم حتى يدزولها مرضى اغلبهم مبين المرض مالته بالتشخيص ما يحتاج تحليل ... بس من باب فيد واستفيد ...ما عدهه مال تشوف المريض حالته الماديه تعبانه تراعيه بالسعر ، لو تگول حرام علاج المريض يعتمد على نتيجة التحليل واحنا كاتبين النتيجة غلط ، ماعدها هيج شي ...المهم الفلوس !
آني واثنين بنات وياي نشتغل بالمختبر گلنالها دكتورة اشتريلنا مواد حتى نشتغل صحيح ، وهذا المكرسكوب عاطل صلحيه ..اشتري واحد جديد ..
هي تغلس وتماطل وتگول اي بعدين وچذب ..ونهاية كل يوم تگرف فلوس وتركب سيارتها وتروح ..
ولد بايولوجي كان اعتماد المختبر كله عليه ، اعترض و لح عليها تجيب مواد رزلته وبطلته من الشغل ...تشتري مواد قليلة واكثرها منتهية المفعول وتمشيها براس المرضى بنتائج كلها كلاوات بكلاوات ..
آني بصراحة اعترف گاعد اكتب نتائج مو صحيحة مثل ماتريد هي ، اخاف اعارضها تبطلني وآني لا تعيين وعندي عائلة برگبتي ...
فكرت اقدم شكوى عليها ، اللي وياي عارضوا گالوا تره احنا ما نأيدك لأن يسدون المختبر وينسد باب رزقنا ، تريد تبطل بطل انت من الشغل ، لا تجيب لنفسك مشاكل ، لأن سنة من السنوات محلل اشتكى عليها اتهمته يسرق مواد من المختبر ارتكبت عليه وانگلبت السالفه عليه ولو ما ساحب الشكوى چان دخلته السجن ..اخوها ضابط بالشرطة جابت مفرزة وسيارة الشرطة تالي الولد احترم نفسه وترك الشغل ..
طبعا هي الدكتورة مطلقة وعندها بنت طالبة صيدلة اهليه وعدها ولد بيه مرض التوحد وشالع گلبها ..غير ترحم الناس ..ابد .. بيت بمنطقة راقية وسيارة حديثة ، واذا وارد الفلوس فد يوم قل تگوم تصيح وترگع بيبان المختبر وحتى تكفر ..
فد يوم اجانه واحد من الاطباء عصبي معترض على نتائج التحليل ( الكلاوات ) ..هي اخذت الطبيب على صفحة وهدأته وگالتله :
تؤمر دكتور ..التحليل اني راح أعيد شغله بنفسي وعلى حسابي !
ومن يجينا تحليل هورمونات ، تنطي موعد للمريض ، وتاخذ التحليل لغير مختبر يشتغلوه وتاخذ من المريض ضعف التكلفه ...
آني ضميري يأنبني ..حاير شسوي...؟!
رد مع اقتباس
