قصيدة الوالد اهديها الى والدي الله يرحمه ويرحم والديكم
الوالد
كل ما اريدن اكتب اصفن واحتار
شكتبلك يمن هذا النفس منك
يامن نبض گلبي بفضلك ايدگ دوم
يامن گلبي واسع من اثر علمك
درب الباري طشّيته بورد وبهيل
ماشيناه وكل مابينه يشهدلك
صرت النه جسر فوگ العسر والعوز
واحنه مقصرين شما نقدملك
ردنه نجمع ونقتصد بالأموال
ما تقبل وتنطي بدون ما نگلك
ادعيلك بجنة والله گبلي نطاك
جنات النعيم انحجزت باسمك
ما ابالغ لان بالباري ضني چبير
والقرآن بشرني بخبر عنك
ماضل عمل ما سويته بالقرآن
كل اعمالك الزينه يشفعنلك
مو بس هذا حبك للنبي المختار
واهل البيت بيهم انشغل ذهنك
بيهم الشفاعة وعلي ميعوفوك
متأكد وبالعشرين ابصملك
اسماعيل القريشي
٢٩/١/٢٠١٩
رابط القصيدة باليوتيوب
https://youtu.be/bcRa7gdJ9QM
رد مع اقتباس
المشاركة الأصلية كتبت بواسطة غريب الدار 2
