اقريني الخجل جذاب
نجي وعيونه تندي ونطش غبشه يعلايه
تعالي حذاي خلي نطش ظفيره فياي
وفرغي عيونج من الليش فرشي ذنوب
وطشي شما بخصرج طيش لمي اجفوف
واجفي شما بحضنج شوك متوازين ماي وطين
نتلاكه بستر وابره لخطوتج كاع
هلاهل روج يم زلفج وانه اجناي خدر سكته
يمرجوحة نده اغويني
شسويلي ولا املج ثكل وجهج نده بعيني
سكر ياروضه اجناحج تبجيني وتغنيني
شني وتزعل
من عيونك حمام يطير من تزعل
تدنيلي افك كل الابواب اردود والبد حدر في الزيج
تنيتج واشتهي اعتابج
صلاه وانجفي بمحرابج
وارفعج دعه اليعطش شوك
واضوكج وانغمي من الضوك
وحلاة العتب من ايطول يحله اغناه
وهذاك انه عكس كل باب مايرهم علي مفتاح
تفكني شفاف خمريه
ولذيذ الدرب للينطر ولف ماجاه
ولا اهيدن ولا يهده صهيل الروح
يخمريه حمد منهو
حمد لو بي سوالف شوك جا رد وشبك ريله
وجا خله الهوه المتعوب ياخذ حيل من حيله
وانتي انتي
بزر جمار ..
تهجيني سماري كتاب
واقريني الخجل جذاب
وازكيني خمر عذراب
ذريني بهواج تراب
وحسبي حساب اتيهن بيج والكاني
وارد مبخوت .. شابع شوك شابع ضووك راجع شاب
واطوطح مثل كاغد بريح الهاب
ويحسدونه اعله نيتنه النهر والليل والمحراب
لان فرشينه للشبكه شليل اعتاب
يسالفتي ينثيه مرصعه بشمامة القندل
فريني العشك دولاب
ياشط هيل شيمض بيج يا مجداف
غسان عادل
رد مع اقتباس
