انة أشتاگيت... بس ماگول
انة أشتاگيت...
بس ماگول
يا اول جرح يلجمني واتمناة
واخافن لْـۆ جبت طاري الزعل ويطول
تكتلني بغيابك واستلذ يهواي
واول مرة اشوفن يضحك المكتول
مدري شلون حبيتك
ولا چني هذاك الشال خشمة اعلة الشمس والليل
ولا غرة الحجي المعسول
ومدري شلون حبيتك
رغم بعدك... رغم صدك
رغم جزرك ... رغم مدك
رغم ما خنجرك بگفاي
نام وياي طول بطول
مدري شلون حبيتك
رغم ما ذابح الضحكة علـّۓ شفافي
وعن حزني صرت مسؤول
وعلى المامش دمعتي مسبلّة اعلة الخد
واحس وجهي احترك م̷ـــِْن تنزل الدمعات
يمكن أثر هجرك عالجفن مشتول
يالشابع ضحك.... متونس بفرگاي؟؟؟
وانة الشابع قهر ومن المرض منحول
يعّرس كل سنة فصل الخريف وياي
وبس فصل الربيع يمر علة على عيونك
علـّۓ طول السنة يمر بيك سبع فصول
أغمض عيوني من تفوت ولطولك فلا اباوع
ثگيل شما اصد اعليك الله يساعد الشارع
من گد ماترف صدگني اغار عليك واتمناك مرة بحضني تتبدة
ياعطر البنفسج يا كحيل العين
من خدك اضنها انصنعت الوردة
ياشفاف ... ليش تخاف....ما تنعاف
اذا الزمك دخيل شفايفك كل حيل أضن شفايفي تهده
تعال ارجوك شمتاني
مر بية رسالة شوك جوه الباب تلگاني
عجيبة شلون تنساني!!!
مريض بحبك يعاني
وادري البوسة من شفاك تجبر خاطر المعلول
الف هنيالة گلبك خالي من الشوگ
وعلى درب العشك عندك جدم مشلول
ما يحتاج اگلك انة الك مشتاك
انة اشتاگيت
بس ماگول
سيف العبادي
رد مع اقتباس
