هنا

[سئمت الانتظار]

مالومك حبيبي هواي ضحيـــــت

ووفي لآخر دقيقة وياي ظليــــت...

تحملت الملامة من اقرب النـــاس

وعني شجم سهم مسموم صديت...

مو بيدك و لابيدي الجره و صـــار

الزمن ما راد يجمعنه بفرد بيـــت...

يزفونك حبيبي لغيري وشلــون؟؟

احس كلي على بعضي بنـــار وجيت...

ترن بذني الهلاهل وأفــز مرعوب

و جمــر بعيوني يتطشر الجكليــت...

على صوت الطرب اهلك يغنـــون

و انه بطور الحزن مذبوح غنيــــت...

ومتحنيه العواذل ،مو فرح .. غيض

وإنت بيا جرح منهن تحنيـــــت؟؟؟

كبل ليلة سألتني وكتلك تهــــون

وبست كلبك بحركة وبيه وصيــــت...

ومشي لباب الحوائج رحت ملهوف

حظنت عتبة الباب ويمهة صليــت....

ادعي.. والدمع بلل الشبـــــاج

ومدري شجم علك بالعروة شديت...

من باجر بعد تطفى المواعيـــــــد

وأدعي الله الصبر لـــو الــك حنيــت...

وأدعي الله الصبر لـــو الــك حنيــت...

[بـاران]

جميل
شكرا عاشت ايديك

[ليليا]

شنو هالكلمات الروعة سلمت يداك

[سئمت الانتظار]

يااهلا وسهلا بيكم منور ين الموضوع خواتي الغالين