ياريتك تجي وتشوف الجروح
تلكاهن خطية يسولفن بيك
شسولفلك عليهن والله محتار
ياجرح التشوفة بنار يجويك
احبك حب عراقي يحب الهموم
اصيل وشايل الدمعة ويسليك
حبيتك طفل عايش وياي
ويا عشك الطفولة شلون أأذيك
سامرتك ليالي وكلبي مذبوح
مثل نجم السعد بأحضاني الوليك
يدك ناي الحزن وي صفنة الليل
وحد وجه الصبح موالي اغنيك
واسولفلك علية وحالي خلصان
بس عندي المهم لازم اداريك
شوف اثار حبك بين بالعيون
بين شيب بيهن وانتة مابيك
وبين بالكلب حبك نياشين
وبعد شكثر بعد رايد اراويك
بين كلشي بين منك وياي
سلاما على الحروح البيهة اباريك
جنت شمعة بحياتك تطرد الليل
هسة الشمعة ذابت بيش اضويك
اترس حضني الك بدموع العيون
واذا راحن عيوني بيش ارويك
من ماي الكلب شربتك وياي
وافتحلك نهر من كلبي واسكيك
هسة الكلب مات ومو كلب صار
جثة بنص جسم حاجيني شنطيك
لميتك دمع بعيون الايام
كلي شاكلهن امن ابجيك
الملم ذكرياتك حتة ارتاح
واشوف شباقي بيهن حتة ابديك
طبع ذيب الوكت لتأمنه جروح
زمان الضحكك لازم يبجيك
رد مع اقتباس
المشاركة الأصلية كتبت بواسطة بـاران
