هنا

[إدريس]

جان عمري 4 سنوات
اقرب اصدقائي أسمه أبو اذانات
شخصية خيالية امي اخترعته لان ما عندي اصدقاء واخوتي يلعبون بدوني
كان صديق مثالي بقصص امي وكأنه عايش وياي
هو اكبر مني ما يقارب ال 5 سنوات وكان كلش يعتني بيه بالقصص ودائما هو الي يساعدني بالحرب ضد الاشرار
كان كل يوم العصر اول ما اصحى من النوم اغسل ووجهي والكه حلويات بالشباك ابو اذانات حاطهن الي
وامي تكول ابو اذانات يحبك لان انت عاقل
بسنة 2003 مدري 2004
صار سقوط النظام السابق واختفى والدي ..
الحالة المادية تعبت واضطرينه نتفرق الى عائلتين
واني رحت وي امي وسكنه عند خالتي وبيتها كلش صغير
عشت بوحدة قاتلة .. كل يوم اسمع صوت الغاره وبعدها قصف واخبار قتل ودبابات يفوتن
شيء مفزغ ..
حتى من حاولت اتكيف كان صعب ..
كان ما ممكن افتح العابي والعب بيهن على الارض
لان بسرعة ياخذهم مني شخص(الله يرحمة)
يضمهن ويقفل عليهن
كان اذا ضم شيء اعتبره انتهى بعد ما اشوفه
.. وامي قليل تنتبه الي بسبب الضغط والمسؤولية ومتحجي خوفاً من المشاكل
ابو اذانات ماكو .. لا بقصة ولا بواقع
فاتت اشهر واجه خبر عن والدي انه حيرجع بعد اشهر وانه بخير
بعدها ب اسبوع ابو اذانات جابلي هدية ب شباك بيت خالتي وامي جابتها الي
سبب هدية ابو اذانات لانو سجلوني بالمدرسة
عرفت اهنا انو عمري صار 6 سنوات ..
وابو اذانات كبرت مسؤوليته وبعد ما راح يجي هواي
وهو بعدها اصلا ما اجه
وما اعرف ليش كلها نست ابو اذانات بس اني ما نسيته ..

اخر مرة سمعت طاريه بصف سادس ابتدائي كانوا يذكروني ب
بطفولتي .. وذكروا الحلويات مالاته
اخوية كالي انهم جانوا يجيبون الحلويات ويكولولي من ابو اذانات
وضحك.. ( ديدي جنت غير تحب ابو اذانات ومتعلق بي)
كان شيء هزلي ومضحك بس بداخلي
ابدا ما ضحكت
وحسيت روحي كمت ابجي بس من جوة
ومن ذاك اليوم ما عدت اثق ب احد
وكمت احس اكو عدم تقدير لاحساس الغير

..
سنة 2018
حركَت لعبة فهيم الي يحبها ابو اذانات من شفتها صدفة بغراضي القديمه
حالي تغيير
صرت احركَ كل ذكرى توجع
ما احجي بالاشخاص التخلوّا عني
ولا احب اذكر حتى ايامهم الحلوة ..
من قريت مذكرات وكتابات خيالية عن ابو اذانات صديقي الوفي
كمت اضحك واحس بمدى غبائي
وطفولتي ..
بقيت عنوان الكتابات أبو اذانات
ومحيت النص الي بداخلها
وكتبت بداله
حان وقت الموت يا صديقي ..
.
.
.
.
.
كل مرة يجي العنوان كدامي اعرف انه مات ,,
نفس الشيء سويته وي الي راحوا .. والي ماتوا ..



.
.
.
مذكرة غبية
2019
شهر 1
يوم 25

[نائيةٌ .. جدًا !]

..


كانت مشاعر جميلة وصادقة
ولم تكن مذكرة غبية أبدًا يا إدريس
الإنسان يتعلق بثيابه وجدران منزله
فكيف بصديق يهتم به ويقدم الكثير لأجله
وإن كان صورة خيالية
لكنك لم تنتبه أن صديقك الحقيقي
( أبو إذانات ) كان قلب أمك !


لروحك الطمأنينة

..

[إدريس]

..


كانت مشاعر جميلة وصادقة
ولم تكن مذكرة غبية أبدًا يا إدريس
الإنسان يتعلق بثيابه وجدران منزله
فكيف بصديق يهتم به ويقدم الكثير لأجله
وإن كان صورة خيالية
لكنك لم تنتبه أن صديقك الحقيقي
( أبو إذانات ) كان قلب أمك !


لروحك الطمأنينة

..

الخيزران انني انسان مُلم بالتفاصيل وأتاثر بأصغارها .. هذا ما فعله قلب امي !
لذا حينما فهمت ان تلك الشخصيه لم تكن موجودة لم استطع ان اتقبل رؤية الموضوع من هذة الناحية ..
احيانا الغضب يُنسينا ما يقدمه الاخرون كي نكون سعداء ونتطلب اكثر ونقول يا ليتهم فعلوا هذا ولم يفعلوا ذاك ..
..
شاكر وممتن على مرورك العذب
لروحك ايضاً اسعدتيني كثيراً بمرورك

[didi]

ماعرف اوصف احساسي هسة
كل التوفيق لك ادريس (ديدي)

[إدريس]

ماعرف اوصف احساسي هسة
كل التوفيق لك ادريس (ديدي)

وصل احساسج ..نفس شعوري من كتبت
والج ديدي

[didi]

تسلم

[لانا احمد]

لتعتبرها ذكرى غبية إدريس بالعكس خليها تكون لحظة تفرح بيها روحك وقلبك واهتمامك بأدق وأصغر التفاصيل راح يتعبك جدآ

أتمنى لك كل السعادة ^_^

[إدريس]

لتعتبرها ذكرى غبية إدريس بالعكس خليها تكون لحظة تفرح بيها روحك وقلبك واهتمامك بأدق وأصغر التفاصيل راح يتعبك جدآ

أتمنى لك كل السعادة ^_^

فرحت بيها هواي .. بس من صارت ذكرى كامت توجع ..
حتى نحمي نفسنه من هل وجع لازم نحاول نمحي هل ذكريات . . .
دحاول ما انتبه واتغاضى
نورتيني لانا كلش سعيد بمرورج وكلامج

[Mohammed K.F]

صديقك لم يمت لانه كان يحبك بصدق، وما زال وسيبقى كذلك...لانه قلب امك.
من الظلم ان تصف هذه المذكرة بالغبية.. فهي جميلة ورائعة
شكرا لك صديقي لانك شاركتنا ذكرياتك..اتمنى السعادة لقلبك

[Scrap]

گلت بس لا راح تصير مثل فلم بيوتِفل مايند
ذكرى جميلة جدا رغم ما انت تأذيت منها