چنت من اطب ديوان ها خوية حياك..
هسة الگهوجي يصيح گوم اكعد اهناك..
چنت من اطب ديوان ها خوية حياك..
هسة الگهوجي يصيح گوم اكعد اهناك..
شايف قلب يعقوب من فارك ابنه..
هيج اني قلبي عليك صدكني حزنه..
اليبوگ اسراري بس طرواك
يهنيالي عله خلگي وياك
وين الله واضل خالي
يالمبعد عليه شعندك ابالي
مصطفى المالكي
جا ليش نيران الصبر
يوميه تشغلني جمر
بس انتي يمچ تبرد
بس فهمني هجرك وين تاليه
النفس شمزعله ع الريه
الهوه شدراه تفارگنه وگطع بيه
مصطفى المالكي
صعب كلش صعب نسيان الاحباب
وفرگاهم يخلي بگلبي وجعه
تره اصعب موقف يمر بي الإنسان
من يفارگ المامنّه رجعه
.
ويجوز تنحبين وانحب بس ليش
تعاوفنه واحنه اثنينه الخوش انحب
ونجذب على أرواحنا بما نشتاق
والله احنه مشتاقين بس نجذب
(اخر امل) المالكي
غرد طيفك بيا عين
وبيا ضحكه كحلهه
كثر ماساهر بفرگاك
من اتضيع نجمه عيوني تندلهه
وردتك تذبل بروحي
وارد بدموعي ابللهه
اليگلب بالصور بالليل من يشتاگ
موش بريته هذا بعينه يتنفس
ماعندي حظ وضحكة ما سيرت
امنيتي يم شامتهة
ماعدهة راي الوادم تغيرت
هالناس ياخذهة الهوة وية الحجي
عزاز راحولي شكثر هالسنة
مابيه حيل وعيي شبعت بجي
كون الجديدة تحل شعرهة بعشك
ولبسوهة بدلة عرس لمن تجي