هنا

[فقار الكرخي]

من گتلي ماننجمع
بس درت طاح الدمع
طيحت اچتاف الشمع
لمن تلوحه النار

صحباني لمن طحت
ندهوني بسمك گمت
گلولي شدة وگلت
ماتگضي مثل الثار

چنت انه ألاوي الزلم
بس من رحت للعلم
مابيه نگلت جدم
بتابوت ارد للدار

رادو اسرار بلهف
لحو بـ گد النجف
المحار سرة بكهف
والگلب هم محار

بجفاك فكر يحب
بدگاته شفت التعب
دگة هروش الخشب
لو سولف البسمار

يجفاك غرزة رمح
والليل كسرة جنح
باقي اني اون للصبح
اااالله يصبر الجار

خلصت عمري بچي
(بخير) بس بلحچي
عالرمح گمت اتچي
والرمح عالاصفاح

ياريل بشر حمد
كل الحضنته شرد
چم دوب گلبي انمرد
شايل حضن مرواح

عيني التذل ما تذل
ويوم التشوفك تهل
عاگر و شافت طفل
ياعين بسچ راح







جهاد المياحي

[سمراء من قوم عيسى]

الله
أنتقاء جميل

[قـَســم ✞]

حلو