هنا

[فقار الكرخي]

تلم همومنه بلفت عبايتها
امي شكد عفيفه تستحي حيل
تظم عوز الوكت بطراف شيلتها
امي بنص حجيها جبال الهموم
وﻻيوم اشتكت بس تجري دمعتها
وبحجت تلولي تفرغ الهموم
وتشكي بالنواعي هموم عازتها
واذا مرانه ظيم وسمعته اشلون
تنشغ والدمع يترس مخدتها
رغيف تصير امي بساعه العوز
وتشبعنه وتظم بضحكه جوعتها
تنكط مستحه من دكت الباب
لو خطار اجها معزبه عادتها
شكثر لفت العوز ونامت وياه
وﻻمره اشتكت للناس عازتها
امي شكد فطيره بعازت فراش
وتنطي للفقير اليجي مدتها
ماعدها مﻻبس صارن سمال
وتتشيم اذا خطار مر يوم بثنيتها
ام اهﻻ وسهﻻ بنت اﻻجواد
صدك جنت عدن بسمال فرشتها
ياهي التلحك امي من النساوين نزلت دمعته تذكر شهامتها..






م

[sawsanmahmoud]

وتبقى الأم أجمل ما فى الحياة
اللهم احفظ جميع الأمهات وآرحم الأموات منهن
عاشت ايدك فقار للإنتقاء الرائع

[فقار الكرخي]

نورتي الكون
مديرتنا العزيزة

[سمراء من قوم عيسى]

امي بنص حجيها جبال الهموم
وﻻيوم اشتكت بس تجري دمعتها


الله الله
عاشت ايدك يالغالي

[Hev ']

الله

عشت