هنا

[فقار الكرخي]

وطني غريب مثلي..
الصبح يكعد حزين يصلي ويغني
(ياالله يكول ويذكر الفقره يذب السبحه ويغني)
يدك بابي العصر سكته
مطر بالروح غيمة اطيح من كلبي وغيمة بطرف أصابعي تحن سكته..
امشي ويمشي بية الليل
اوكف الكه كل الناس صورة تناوش السكته..

العمر والماي والمنسي التمر بعيونه سكتاته بعيد وجاي..
عبي وكل النخل دخان..
ها يافلان
الشمس طيره وزغير الفي ورا النسيان...
اه
الوحدك سكته نهر شايل هلي وناسي..
حنين وع الجرف خضرة كل الروس رسايل كبر وهواسي...
ارد للوطن مابي ناس..
شفت كل الشوارع خاليه من الناس...
الدكاكين الكبل تنطي الزغار العيد..
هسه تبيعني من الخوف..
هسه اشرب ونام واحلم ومرتاح
بس يمر ع عيوني الوطن جامع افز زعلان..
ورد اشرب حزن ناسي
وقصايد مالهن شاعر عمر يفترن براسي..
واحلم نايم بحضني سياسي بعد عذاب الناس
انام وياه وفرغ كل حزن ناسي..
وابول اعله السنين الجابتك يا...
ياابن ال والحديث يطول
احلم والحلم مكتول
بعيد ولا وطن لمني ولا شاعر عرفني منين
غريب وغربتي سنيني قبلتي الله وعذابي الدين..الليله احلم اني.......ج
الساسه والسلطان..
حلم يتفسر بلا خوف






عزيز عسكر

[سمراء من قوم عيسى]

اختيار جميل
شكرا لك