الحنين الى الماضي
السلام عليكم
خل احجي باللغة العامية
مشكلة الحنين للماضي وما ادراك ماهي
الحنين ماعرف شنو هو مرض لو تصرف طبيعي انساني يخلي البشر يحن ويشتاق لتفاصيل بغض النضر عن كونها حزينة او جميلة
البوم الصور والصور القديمة ... هاي من اكبر مشاكل هذا المرض
صور ممكن تهزك وترجعك فلاش باك لمناسبة معينة كلت فوك بغض النضر عن ضرفها لكن ... تشتاقلها
العطر .. هذا سلاح فتاك
العطر مو بس يرجعك للذكرى لا .. هذا يرجعك ويخليك تعيشها كلها من جديد وهنا تبدي تضهر اعراض الحنين ..
الكآبة .. التدخين .. الحسرات الخ
رجوع شخص من الماضي ..
وحدة من الكوارث .. هنا يبقى وضعك شنو ..وضع الشخص شنو .. وشنو الي خلا يكون من الماض
اذا ماكان جارحك نصيحة رجعه لحياتك
الماضي عزيز وبي هواية شغلات غالية وثمينة والي يسترد شي منها اعتبره محضوض وربحان
بالاخير احب اكول هذا مجرد هذيان .. اعذرو اخطائي الاملائية .. :)
اتمنالكم حاضر ومستقبل اجمل من الماضي .. ولو صعبة
شكرا
رد مع اقتباس
المشاركة الأصلية كتبت بواسطة أمير ألنحل
