وصیتك تباري الحال
وانت الگد الحچایه
اشمالك من غفه الفانوس
ليلك دچ المرایه
لاتبخل دمع عينك
یکونك للحزن يعگوب
ناسي الحلمو بشمسك
عمرهم خلص كله غروب
*تدري ابنادم المشتاگ کل سوالفه بناسه
الوطن جنطة غريب اتنام ليليه حدر راسه
تدري العاشگ المخنوگ یحچي حچایته بعینه
الوطن ردت سجین احتار بلوادم الناسینه
ضعت و اولایتی متروسه ناس اجناب
السمه تنطش بكارتها
بصده چيلات کل ثائر طلع چذاب
بیا گطعه رخیصة لون امسح ضلمة الشارع
اعیوني و السمه مغیمات
والشباچ من وجهه وگفا ناگع
یروحي المستحه مرات مذمومه
یروحی الیذنب موچد
ابد ماتستره اهدومه
* یهاذ انا الغریب المادره بروحه و ثگل سهره
و غطه وجه الشمس لیله
یهاذ انا الغریب الغشه صوت الریل
من غنه بمواویله
دبرلی گلب یحمل حچی البیه
الغریب شما بعد تثگل مراسیله
موعود الرشیدی
رد مع اقتباس
