هنا

[فقار الكرخي]

من سحبت ايدك والمگاود خرب
گبلي يا منجل مسح راس الگصب
انسى بس العافيه تذكرني بيك
واسجد الشيطانك شما بيه رب
مره اگولن صاحبي ومرات اگول
الم نار وهاي هيه وي الحطب
سنه الفاتحتك براسي وبچي ذاك
شما اصد الچادرك توه انصب
امدح الغيمه من اشوف بگاعي طين
واصفه واذبحها اعله قبلة كل عرب
طيحت الشلال شو ماي اعله ماي
ليش تزعل لو شفت نورس شرب
وليش تتوازه اعله بيبان القطار
وانت تدري بشمسك محليه الرطب
لا انت معلمني اكرهك حتى اعيش
ولاگلت لغرابك فلان انصلب
وانه بيه اعله السفر چم سندباد
وخايف بظهري يگولون انغلب
محسب وعالقفص ماجابرلي طير
حتى لو سئلوني اگلهم هوه طب
جيل شيب براسك اسود بس شگول
اعرف الطاووس من ذيله انرغب
صحيلي الشفه التذكرك تشتهيك
ودوم لاتعطش بشر مايه انشرب
وليش تسئل هو شو نفس الجواب
من سحبت ايدك والمگاود خرب





علي حسن

[ايــوتــة]

الله الله امووت عليها

شكرا فقار دائما ذواق

[سمراء من قوم عيسى]

عاشت ايدك يالغالي

[ৡ⚘أೂـيـر ألـنـ੭ــل⚘ৡ]

صح الساااانك

[Nazkul]

الله
تجنن شگد احبها


تسلم اخي