حلوه وعليها عيون جنهن مدافع
سودنت سيد جان عل قبله راكع
للشاعر هاشم العربي
**************************
حلوه العلاقه وياج وتسوي واهس
مو مثل بعض الناس بالعشره متحس
للشاعر علي هادي الفتلاوي

سمره وعليها عيون تي أن تي جنهن
كلما شفت تفجير حسبالي منهن
للشاعر هاشم العربي
*************************
سمره الشفتها اليوم ماضن مثلها
دوخت كل الناس بس ابحجلها
للشاعر علي هادي الفتلاوي

ترفه وعليها عيون مثل الرصاصه
منهن شلون المات ياخذ قصاصه
للشاعر هاشم العربي
****************************
ترفه انتي وتعيلين بيه من افوتن
مدري ادعي اعيش وياج مدري ادعي اموتن
للشاعر علي هادي الفتلاوي

شكره وعليها عيون تحرك مدينه
بالمطر رب الكون ساتر علينه
للشاعر هاشم العربي

شكره ومشت وياي واني اشبه الليل
فهموني بله شلون بيها اني ماعيل
للشاعر علي هادي الفتلاوي

حلوه وعليها عيون بالنظره تحرك
عل ذبحته النظرات طب مايلحك
للشاعر هاشم العربي

حلوه وتحط مكياج وتحل شعرها
لو يمي هاي اتعيش امشي ابأمرها
للشاعر علي هادي الفتلاوي

لوصدت أعله أنسان نظرة خديجه
هاي العيون السود تشعل حريجه
للشاعر هاشم العربي

***************************
لو صدت العينين لو غمزت ابعين
ياعيني ماوصيج بالج تغمضين
للشاعر علي هادي الفتلاوي

شكره وعليها عيون خضره ورشيقه
ومورده ومورده الوجنات جنهن حديقه
للشاعر هاشم العربي
*************************
شكره ودمعها ايسيل من بين العيون
خانوها اضن حسيت ذوله اليخونون
للشاعر علي هادي الفتلاوي

كالت صباح الخير وتفاوح الهيل
كتلها سحر العين سوه الصبح ليل
للشاعر هاشم العربي
***************************
كالت صباح الخير كتلها وياي
عمي اني صاحي اليوم لو بالحلم هاي
للشاعر علي هادي الفتلاوي